𞥟𞤑𞤮 𞤬𞤭𞥅 𞤸𞤮𞤲𞤯𞤵𞤲 𞤤𞤫𞤴𞤯𞤫 𞤩𞤵𞤪𞤯𞤫 𞤣𞤮𞥅𞤤𞤲𞤵𞤣𞤫 𞤯𞤫𞤲 𞤴𞤭𞤯𞤢𞥄 𞤴𞤮 𞤭𞤪𞤢𞥄𞤲 𞤸𞤫𞤩𞤵 𞤶𞤮𞤺𞤫 𞤶𞤢𞤪𞥆𞤭𞤲𞤳𞤮 (𞤢𞤪𞤥 𞤲𞤭𞤳𞤤𞤫𞤴𞤫𞥅𞤪)؟
𞥑-𞤳𞤮 𞤳𞤵𞤤𞤮𞤤 𞤬𞤭𞥅 𞤱𞤮𞤼𞤢 𞤤𞤫𞤴𞤯𞤫 𞤥𞤮𞤴𞤫𞤲 𞤮𞤪𞤭𞤴𞤢𞤲 𞤯𞤫𞤲 𞤨𞤭𞥅𞤪𞤵.
𞤄𞤢𞤽𞥆𞤫𞥅𞤪𞤭 𞤥𞤮𞤴𞤫𞤲 𞤮𞤪𞤭𞤴𞤢𞤲 𞤲𞤣𞤭𞤲 𞤳𞤮 𞤦𞤢𞤲𞤽𞤫𞥅𞤪𞤭 𞤯𞤵𞥅𞤯𞤵𞤲𞤣𞤭 𞤳𞤢𞤩𞤫⹁ 𞤸𞤫𞥅𞤱𞤵𞤯𞤫 𞤤𞤵𞤪𞥆𞤢𞤤⹁ 𞤱𞤢𞤲𞤮 𞤭𞤧𞤪𞤢𞥄𞤴𞤭𞥅𞤤⹁ 𞤨𞤢𞤤𞤫𞤧𞤼𞤭𞥅𞤲⹁ 𞤧𞤭𞥅𞤪𞤭𞥅⹁ 𞤭𞤪𞤢𞤳 𞤉𞤑𞤐𞤍...
𞤅𞤭 𞤼𞤢𞤱𞤭𞥅 𞤭𞤪𞤢𞥄𞤲 𞤸𞤫𞤩𞤭𞥅 𞤼𞤵𞤲⹁ 𞤬𞤫𞤰𞤮𞥅𞤶𞤫 𞤶𞤢𞤪𞥆𞤭𞤲𞤳𞤮(𞤦𞤮𞤥𞤦𞤫 𞤲𞤭𞤳𞤤𞤫𞤴𞤫𞥅𞤪) 𞤯𞤵𞤲 𞤱𞤢𞤯𞤢𞤴 𞤳𞤢𞤣𞤭 𞤸𞤢𞥄 𞤱𞤢𞤲𞤮 𞤢𞥄𞤪𞤢𞤦𞤭 𞤧𞤢𞤱𞤣𞤭𞤼⹁ 𞤼𞤭𞤪𞤳𞤭𞥅⹁ 𞤫𞤶𞤭𞤨𞤼(𞤥𞤭𞤧𞤪𞤢) 𞤸𞤫𞤩𞤵𞤣𞤫 𞤳𞤢𞤻𞤵𞤲 𞤳𞤢𞤣𞤭 𞤧𞤭𞤬𞤢 𞤥𞤵𞤲.
𞤍𞤵𞤲 𞤯𞤮𞤲 𞤱𞤢𞤯𞤢𞤴 𞤸𞤢𞥄 𞤤𞤫𞤧𞤯𞤫 𞤯𞤵𞥅𞤯𞤵𞤯𞤫 𞤶𞤭𞤻𞤢𞤲𞤢 𞤸𞤫𞤩𞤵𞤺𞤮𞤤 𞤯𞤫𞤲 𞤬𞤫𞤰𞤮𞥅𞤶𞤫 𞤯𞤮𞤲⹁ 𞤫 𞤲𞤣𞤫𞤲 𞤦𞤢𞤲𞤽𞤫𞥅𞤪𞤫 𞤯𞤮𞤲⹁ 𞤯𞤵𞤲 𞤯𞤮𞤲 𞤲𞤮𞤲 𞤸𞤭𞤲𞤮 𞤸𞤵𞤤𞤩𞤭𞤲𞤢𞤲𞤭𞥅 𞤩𞤵𞥅𞤩𞤼𞤵 𞤢𞤲𞤣𞤵𞤲𞤢𞥄𞤪𞤵 𞤲𞤣𞤵𞤲.
𞥒- 𞤭𞤪𞤢𞥄𞤲 𞤸𞤭𞤲𞤮 𞤤𞤵𞤪𞥆𞤭 𞤫 𞤤𞤫𞤧𞤯𞤫 𞤦𞤵𞤴 𞤣𞤮𞥅𞤤𞤲𞤵𞤯𞤫.
𞤋𞤪𞤢𞥄𞤲 𞤸𞤭𞤲𞤮 𞤸𞤢𞤩𞤭𞤣𞤭 𞤫 𞤭𞤧𞤪𞤢𞥄𞤴𞤭𞥅𞤤⹁ 𞤲𞤢𞤩𞤭𞤣𞤵𞤩𞤫 𞤫 𞤢𞤥𞤫𞤪𞤭 𞤥𞤮𞤰𞥆𞤢 𞤲𞤮𞤲.
𞤖𞤭𞤩𞤫 𞤱𞤢𞤤𞥆𞤭𞤼𞤭𞥅 𞤳𞤢𞤣𞤭 𞤬𞤫𞤣𞥆𞤫𞥅𞤶𞤭 𞤢𞤻𞤵𞤯𞤭 𞤭𞤧𞤪𞤢𞥄𞤴𞤭𞥅𞤤 𞤥𞤮𞤰𞥆𞤢 𞤲𞤮𞤲⹁ 𞤱𞤢𞤲𞤮: 𞤸𞤫𞤧𞤦𞤵𞤤𞤤𞤢𞥄𞤸𞤭⹁ 𞤸𞤢𞤥𞤢𞥄𞤧 𞤫 𞤬𞤫𞤣𞥆𞤫 𞤸𞤵𞤴𞤼𞤭𞥅𞤩𞤫 𞤩𞤫𞤲 𞤴𞤫𞤥𞤫𞤲⹁ 𞤸𞤭𞥅𞤼𞤢𞥄𞤩𞤫 𞤸𞤭𞤲𞤮 𞤸𞤵𞤤𞤩𞤭𞤲𞤢𞤲𞤭𞥅 𞤤𞤫𞤧𞤯𞤫 𞤸𞤫𞥅𞤱𞤵𞤯𞤫.
𞤅𞤭 𞤼𞤢𞤱𞤭𞥅 𞤲𞤮𞤲 𞤭𞤪𞤢𞥄𞤲 𞤸𞤫𞤩𞤭𞥅 𞤬𞤫𞤰𞤮𞥅𞤶𞤫 𞤲𞤭𞤳𞤤𞤫𞤴𞤫𞥅𞤪 𞤯𞤫𞤲⹁ 𞤸𞤢𞤪𞤢𞤴 𞤯𞤭𞥅𞤯𞤮𞥅 𞤬𞤫𞤣𞥆𞤫𞥅𞤶𞤭 𞤬𞤮𞤱 𞤱𞤮𞤲𞤭𞥅 𞤫 𞤳𞤭𞤧𞤢𞤤⹁ 𞤸𞤢𞤪𞤢𞤴 𞤳𞤢𞤣𞤭 𞤳𞤮 𞤯𞤮𞤲 𞤩𞤫 𞤩𞤵𞤪𞤢𞤼𞤢 𞤻𞤮𞤧𞤢𞥄𞤣𞤫 𞤢𞤴𞤩𞤫 𞤥𞤢𞤩𞥆𞤫 𞤩𞤫𞤲 𞤯𞤵𞤲 𞤸𞤭𞤲𞤮 𞤶𞤫𞤴𞤢𞥄 𞤫 𞤳𞤮 𞤸𞤵𞤤𞤩𞤭𞤲𞤭 𞤤𞤫𞤧𞤯𞤫 𞤮𞤳𞤧𞤭𞤣𞤢𞤲 𞤯𞤫𞤲⹁ 𞤸𞤵𞤤𞤩𞤭𞤲𞤭 𞤸𞤢𞤴 𞤤𞤫𞤧𞤯𞤫 𞤳𞤢𞤱𞤼𞤢𞤤𞤶𞤫 𞤥𞤢𞤩𞥆𞤫 𞤺𞤮𞥅 𞤱𞤢𞤲𞤮 𞤧𞤢𞤱𞤣𞤭𞥅 𞤉𞤑𞤐𞤍...
𞥒- 𞤑𞤮 𞤲𞤢𞤲𞤼𞤮𞤲'𞤣𞤭𞤪𞤢𞤤 𞤤𞤫𞤴𞤯𞤫𞥅𞤤𞤫 𞤲𞤺𞤢𞤥𞤵 𞤸𞤢𞤯𞤵𞤺𞤮𞤤 𞤩𞤫𞤴𞤣𞤢𞤺𞤮𞤤 𞤳𞤢𞤩𞤭𞤪𞤯𞤫.
( Le traité international de non-proliferation TNP)
𞤋𞤪𞤢𞥄𞤲 𞤨𞤮𞤷𞤵𞤲𞤮( 𞤧𞤭𞥅𞤻𞤵𞤲𞤮) 𞤲𞤺𞤢𞤤 𞤲𞤢𞤲𞤮𞤲𞤣𞤭𞤪𞤢𞤤 𞤱𞤭𞤴𞤵𞤲'𞤺𞤢𞤤 𞤱𞤮𞤲𞤣𞤫 𞤳𞤮 𞤤𞤫𞤴𞤯𞤫𞥅𞤤𞤫 𞤣𞤮𞥅𞤤𞤲𞤵𞤯𞤫 𞤯𞤫𞤲 𞤼𞤵𞤲 𞤶𞤮𞤱𞤭 𞤸𞤢𞥄𞤲𞤣𞤭 𞤫 𞤥𞤮𞤰𞥆𞤭𞤲𞤺𞤮𞤤 𞤳𞤢𞤩𞤮𞤪𞤯𞤫 𞤲𞤭𞤳𞤤𞤫𞤴𞤫𞥅𞤪 𞤯𞤫𞤲 𞤳𞤮 : 𞤣𞤢𞤱𞤤𞤢𞥄𞤶𞤭 𞤲𞤣𞤫𞤲𞤼𞤵𞤯𞤭 𞤢𞤥𞤫𞤪𞤭𞤳⹁ 𞤪𞤭𞥅𞤧𞤭𞤴𞤢𞥄⹁ 𞤪𞤵𞤱𞤢𞤴𞤮𞥅𞤥 𞤭𞤲𞤭𞥅⹁ 𞤷𞤢𞤴𞤲𞤢⹁ 𞤫 𞤬𞤢𞤪𞤢𞤲𞤧𞤭.
𞤅𞤭 𞤼𞤢𞤱𞤭𞥅 𞤲𞤮𞤲 𞤭𞤪𞤢𞥄𞤲 𞤦𞤮𞤲𞥆𞤭𞤼𞤭𞥅 𞤲𞤺𞤢𞤤 𞤲𞤢𞤲𞤮𞤲𞤣𞤭𞤪𞤢𞤤⹁ 𞤤𞤫𞤴𞤯𞤫𞥅𞤤𞤫 𞤯𞤵𞥅𞤯𞤵𞤯𞤫 𞤲𞤢𞤲𞤮𞤲𞤣𞤭𞤪𞤢𞥄𞤯𞤫 𞤫 𞤥𞤵𞤲 𞤳𞤢𞤻𞤵𞤲 𞤳𞤢𞤣𞤭 𞤬𞤭𞤪𞤼𞤢𞤴 𞤳𞤭𞤧𞤢𞤲⹁ 𞤯𞤵𞤲 𞤯𞤮𞤲 𞤲𞤮𞤲 𞤸𞤢𞤪𞤢𞤴 𞤸𞤭𞤲𞤮 𞤸𞤵𞤤𞤩𞤭𞤲𞤢𞤲𞤭𞥅 𞤢𞤣𞤵𞤲𞤢𞥄𞤪𞤵 𞤲𞤣𞤵𞤲.
𞥔- 𞤂𞤫𞤧𞤯𞤫 𞤣𞤮𞥅𞤤𞤲𞤵𞤯𞤫 𞤯𞤫𞤲⹁ 𞤸𞤭𞤲𞤮 𞤬𞤢𞥄𞤤𞤢𞥄 𞤸𞤫𞥅𞤪𞤮𞤪𞤣𞤫 𞤣𞤮𞥅𞤤𞤫 𞤯𞤫𞤲 𞤫 𞤲𞤣𞤫𞤪 𞤢𞤣𞤵𞤲𞤢𞥄𞤪𞤵 𞤲𞤣𞤵𞤲⹁ 𞤸𞤭𞤩𞤫 𞤬𞤢𞥄𞤤𞤢𞥄 𞤸𞤢𞤪𞤢 𞤳𞤮 𞤳𞤢𞤥𞤩𞤫 𞤼𞤵𞤲 𞤶𞤮𞤺𞤭𞥅 𞤥𞤢𞤪𞤭𞤪𞤯𞤫 𞤲𞤭𞤳𞤤𞤫𞤴𞤫𞥅𞤪 𞤯𞤫𞤲⹁ 𞤫 𞤲𞤣𞤫𞤪 𞤢𞤣𞤵𞤲𞤢𞥄𞤪𞤵 𞤲𞤣𞤵𞤲 𞤬𞤮𞤱⹁ 𞤩𞤫 𞤸𞤢𞤯𞤢 𞤳𞤢𞤣𞤭 𞤤𞤫𞤧𞤯𞤫 𞤸𞤫𞤣𞥆𞤭𞥅𞤯𞤫 𞤺𞤮𞥅 𞤺𞤮𞤤𞥆𞤭𞤼𞤭𞤪𞤣𞤫 𞤫 𞤥𞤮𞤰𞥆𞤭𞤲𞤺𞤮𞤤 𞤲𞤭𞤳𞤤𞤫𞤴𞤫𞥅𞤪⹁ 𞤸𞤢𞤪𞤢 𞤳𞤢𞤤𞤢 𞤤𞤫𞤧𞤣𞤭 𞤬𞤢𞥄𞤤𞤢𞥄𞤲𞤣𞤭 𞤳𞤭𞤱𞤢𞤤 𞤳𞤮 𞤴𞤮 𞤼𞤭𞤲𞤼𞤵𞤣𞤵 𞤫 𞤥𞤢𞤩𞥆𞤫.
𞤉 𞤴𞤫𞤪𞤵 𞤣𞤢𞤩𞥆𞤮:
𞤀𞤸𞤣𞤭 𞥒𞥐𞥑𞥕 (jcpoa) 𞤆𞤫𞥅𞤶𞤫 𞤳𞤵𞥅𞤩𞤼𞤮𞤣𞤭𞤲𞤣𞤫 𞤺𞤮𞤤𞥆𞤮𞤲𞤣𞤭𞤪𞤢𞤤 𞤭𞤪𞤢𞤲𞤭𞤵𞤮𞥅𞤥 𞤥𞤢𞤩𞥆𞤫 𞤯𞤫𞤲 𞤬𞤫𞤰𞤮𞥅𞤶𞤫 𞤲𞤭𞤳𞤤𞤫𞤴𞤫𞥅𞤪.
𞤉 𞤸𞤭𞤼𞤢𞥄𞤲𞤣𞤫 𞥒𞥐𞥑𞥕 𞤭𞤪𞤢𞥄𞤲 𞤷𞤭𞥅𞤬𞤮𞤣𞤵𞤲𞤮 𞤫 𞤤𞤫𞤴𞤯𞤫 𞤧𞤫𞥅𞤯𞤢𞥄𞤶𞤫 𞤱𞤢𞤲𞤮: 𞤀𞤥𞤫𞤪𞤭𞤳𞤭⹁ 𞤊𞤢𞤪𞤢𞤲𞤧𞤭⹁𞤕𞤢𞤴𞤲𞤢⹁𞤈𞤭𞥅𞤧𞤭𞥅⹁ 𞤀𞤤𞤥𞤢𞥄𞤻𞤭⹁ 𞤈𞤵𞤱𞤢𞤴𞤮𞥅𞤥 𞤭𞤲𞤭𞥅. 𞤲𞤣𞤫𞥅 𞤫𞤩𞥆𞤮𞥅𞤪𞤫 𞤯𞤮𞥅 𞤳𞤮 𞤬𞤭𞥅 𞤴𞤮 𞤭𞤪𞤢𞥄𞤲 𞤢𞤷𞥆𞤭𞤼𞤵 𞤥𞤮𞤰𞥆𞤭𞤲𞤭𞤪𞤺𞤮𞤤 𞤭𞤪𞤢𞤲𞤭𞤴𞤮𞥅𞤥 𞤥𞤢𞤩𞤫 𞤯𞤫𞤲 𞤶𞤮𞤺𞤫 𞤶𞤢𞤪𞤭𞤲𞤳𞤮.
𞤸𞤢𞤳𞤭𞤲𞤣𞤢𞥄𞤣𞤫 𞤫 𞤫𞤩𞥆𞤮𞥅𞤪𞤫 𞤥𞤢𞤩𞥆𞤫 𞤲𞤭𞤳𞤤𞤫𞤴𞤫𞥅𞤪 𞤲𞤣𞤫𞤲⹁ 𞤧𞤢𞤦𞤵 𞤴𞤮 𞤩𞤫 𞤭𞤼𞥆𞤢𞤲𞤫 𞤶𞤵𞤳𞥆𞤮𞥅𞤶𞤫 𞤯𞤫 𞤩𞤫 𞤬𞤢𞤱𞤢𞥄 𞤫 𞤥𞤵𞤲 𞤳𞤢 𞤦𞤢𞤲𞤽𞤫 𞤲𞤺𞤢𞤤𞤵.
𞤑𞤮𞤲𞤮 𞤫 𞤸𞤭𞤼𞤢𞥄𞤲𞤣𞤫 𞥒𞥐𞥑𞥗 𞤀𞤥𞤫𞤪𞤭𞤳𞤭 ⹁𞤩𞤢𞤴 𞤁𞤮𞤲𞤢𞤤 𞤼𞤮𞤪𞤮𞤥𞤨𞤵 𞤢𞤪𞤭𞥅 𞤳𞤢 𞤤𞤢𞥄𞤥𞤵⹁ 𞤩𞤫 𞤴𞤢𞤤𞤼𞤭 𞤫 𞤲𞤺𞤢𞤤 𞤢𞤸𞤮𞤣𞤢𞤤 𞤯𞤮𞤲⹁ 𞤯𞤵𞤲 𞤱𞤮𞤲𞤭 𞤧𞤢𞤦𞤵 𞤭𞤪𞤢𞥄𞤲 𞤥𞤫𞤥𞥆𞤭𞤲𞤼𞤭𞤲𞤢𞥄𞤣𞤫 𞤬𞤭𞥅 𞤸𞤫𞤩𞤵𞤺𞤮𞤤 𞤶𞤮𞤺𞤫 𞤲𞤭𞤳𞤤𞤫𞤴𞤫𞥅𞤪.
𞤑𞤮 𞤪𞤢𞤩𞥆𞤭𞤯𞤭 𞤳𞤮𞤲 𞤤𞤫𞤧𞤯𞤫 𞤣𞤮𞥅𞤤𞤲𞤵𞤯𞤫 𞤯𞤫𞤲 𞤴𞤭𞤯𞤢𞥄 𞤭𞤪𞤢𞥄𞤲 𞤸𞤫𞤩𞤢 𞤬𞤫𞤰𞤮𞥅𞤶𞤫 𞤲𞤭𞤳𞤤𞤫𞤴𞤫𞥅𞤪 𞤧𞤢𞤦𞤵:
*𞤍𞤵𞤲 𞤯𞤮𞤲 𞤢𞤣𞥆𞤢𞤴 𞤽𞤢𞤳𞥆𞤫𞤪𞤫 𞤩𞤵𞥅𞤩𞤼𞤵 𞤫 𞤲𞤣𞤫𞤪 𞤥𞤮𞤴𞤫𞤲 𞤮𞤪𞤭𞤴𞤢𞤲.
*𞤖𞤭𞤲𞤮 𞤸𞤵𞤤𞤩𞤭𞤲𞤢𞤲𞤭𞥅 𞤼𞤫𞤲𞤼𞤭𞤲𞤭𞥅 𞤭𞤧𞤪𞤢𞥄𞤴𞤭𞥅𞤤.
𞤖𞤭𞤲𞤮 𞤤𞤵𞤲𞤣𞤭𞥅 𞤢𞤸𞤣𞤭 𞤢𞤣𞤵𞤲𞤢𞤴𞤢𞤲𞤳𞤮𞥅𞤪𞤭 𞤰𞤫𞤼𞥆𞤭𞤣𞤢𞤲𞤮𞥅𞤲𞤣𞤭 𞤬𞤭𞥅 𞤸𞤢𞤯𞤺𞤮𞤤 𞤶𞤮𞤺𞤫 𞤲𞤭𞤳𞤤𞤫𞤴𞤫𞥅𞤪 𞤫 𞤲𞤣𞤫𞤪 𞤢𞤣𞤵𞤲𞤢𞥄𞤪𞤵 𞤲𞤣𞤵𞤲.
𞤫𞤲 𞤢𞤲𞤣𞤭𞤲𞤼𞤭𞤲𞤢𞤴 𞤼𞤵𞤲: 𞤳𞤮 𞤤𞤫𞤧𞤯𞤫 𞤶𞤫𞥅𞤲𞤢𞤴 𞤱𞤮𞤲𞤭 𞤳𞤮 𞤶𞤮𞤺𞤭𞥅 𞤶𞤮𞤺𞤫 𞤲𞤭𞤳𞤤𞤫𞤴𞤫𞥅𞤪 𞤫 𞤲𞤣𞤫𞤪 𞤢𞤣𞤵𞤲𞤢𞥄𞤪𞤵 𞤲𞤣𞤵𞤲 𞤲𞤭𞥅𞤲𞤭𞥅⹁ 𞤺𞤮𞤯𞥆𞤫 𞤸𞤭𞤲𞤮 𞤹𞤭𞤪𞥆𞤭𞤼𞤢𞤲𞤢𞥄 𞤺𞤮𞤯𞥆𞤫 𞤺𞤮𞥅 𞤹𞤭𞤪𞥆𞤢𞤲𞤢𞥄𞤳𞤢 𞤯𞤵𞤲:
𞥑- 𞤁𞤢𞤱𞤤𞤢𞥄𞤶𞤭 𞤲𞤣𞤫𞤲𞤼𞤵𞤯𞤭 𞤢𞤥𞤫𞤪𞤭𞤳𞤭.
𞥒-𞤈𞤭𞥅𞤧𞤭𞤴𞤢𞥄(𞤪𞤮𞤲𞤵𞤩𞤫 𞤭𞤲𞤭𞤴𞤮𞤲 𞤧𞤮𞤱𞤫𞤼𞤭𞤳).
𞥓- 𞤊𞤢𞤪𞤢𞤲𞤧𞤭.
𞥔-𞤕𞤢𞤴𞤲𞤢.
𞥕-𞤈𞤵𞤱𞤢𞤴𞤮𞥅𞤥 𞤭𞤲𞤭𞥅.
𞤳𞤮 𞤩𞤫𞥅𞤯𞤮𞥅 𞤲𞤶𞤮𞤱𞤮 𞤹𞤭𞤪𞥆𞤭𞤼𞤢𞤲𞤢𞥄 𞤶𞤮𞤺𞤫 𞤲𞤭𞤳𞤤𞤫𞤴𞤫𞥅𞤪.
𞤳𞤮𞤲𞤮 𞤸𞤭𞤲𞤮 𞤱𞤮𞥅𞤣𞤭 𞤳𞤢𞤣𞤭 𞤤𞤫𞤴𞤯𞤫 𞥓 𞤯𞤫
𞤼𞤢𞤱𞤢𞤲𞤮𞥅𞤳𞤢 𞤳𞤢 𞤷𞤭𞥅𞤬𞤮𞤣𞤢𞥄𞤩𞤫
(𞤐𞤢𞤲𞤼𞤮𞤲'𞤣𞤭𞤪𞤢𞤤 𞤤𞤫𞤴𞤯𞤫𞥅𞤤𞤫 𞤲𞤺𞤢𞤥𞤵 𞤸𞤢𞤯𞤵𞤺𞤮𞤤 𞤩𞤫𞤴𞤣𞤢𞤺𞤮𞤤 𞤳𞤢𞤩𞤭𞤪𞤯𞤫.)
( Le traité international de non-proliferation TNP)
𞤯𞤫𞤲 𞤳𞤮:
𞥖- 𞤭𞤲𞤣𞤭𞤴𞤢𞥄
𞥗-𞤆𞤢𞤳𞤭𞤧𞤼𞤢𞤲.
𞥘-𞤭𞤧𞤪𞤢𞥄𞤴𞤭𞥅𞤤(𞤩𞤫𞥅𞤯𞤮𞥅 𞤸𞤵𞤲𞤢𞥄𞤳𞤭 𞤳𞤮𞤲𞤮 𞤳𞤮 𞤢𞤲𞤣𞤢𞥄𞤯𞤵𞤲 𞤫 𞤸𞤮𞥅𞤪𞤫 𞤺𞤵𞤲𞤣𞤮𞥅).
𞥙-𞤳𞤮𞥅𞤪𞤫𞥅𞤴𞤢𞥄 𞤲𞤢𞤲𞥆𞤢𞥄𞤲𞤺𞤫⹁(𞤩𞤫𞥅 𞤯𞤮𞥅 𞤳𞤢𞤣𞤭 𞤸𞤭𞤲𞤮 𞤧𞤭𞤳𞥆𞤭𞤼𞤢𞥄 𞤶𞤮𞤺𞤢𞤺𞤮𞤤 𞤶𞤮𞤺𞤫 𞤲𞤭𞤳𞤤𞤫𞤴𞤫𞥅𞤪).
𞤂𞤫𞤴𞤯𞤫𞥅𞤤𞤫 𞤺𞤮𞥅 𞤫𞤪𞤮𞤨𞤲𞤢𞥄𞤶𞤫 𞤳𞤢𞤣𞤭 𞤸𞤭𞤲𞤮 𞤱𞤫𞥅𞤪𞤲𞤭 𞤶𞤮𞤺𞤫 𞤲𞤭𞤳𞤤𞤫𞤴𞤫𞥅𞤪 𞤢𞤥𞤫𞤪𞤭𞤳𞤭 𞤯𞤫𞤲 𞤱𞤢𞤲𞤮: 𞤀𞤤𞤥𞤢𞥄𞤻𞤭⹁ 𞤋𞤼𞤢𞤤𞤭𞤴𞤢𞥄⹁ 𞤚𞤭𞤪𞤳𞤭𞥅 𞤉𞤑𞤐𞤍...
