𞤑𞤮 𞤬𞤫𞤬𞤣𞤭𞥅 𞤸𞤢𞤳𞥆𞤵𞤲𞤣𞤫 𞤋𞤧𞤪𞤢𞥄𞤭𞥅𞤤𞤢 𞤫 𞤨𞤢𞤤𞤫𞤧𞤼𞤭𞥅𞤲 : 𞥑𞥙/𞤶/𞥒𞥐𞥒𞥕
𞤑𞤮 𞤬𞤫𞤱𞤣𞤭𞥅 𞤼𞤮𞤲 𞤸𞤢𞤲𞤣𞤫⹁ 𞤖𞤢𞤥𞤢𞤧 𞤶𞤢𞤩𞤭𞥅 𞤫𞤩𞥆𞤮𞥅𞤪𞤫 𞤇𞤵𞤩𞤼𞥆𞤵 𞤲𞤣𞤫 𞤱𞤫𞥅𞤩𞤭𞤼𞤭 𞤲𞤣𞤫𞤲 𞤥𞤮𞤰𞥆𞤭𞤲𞤼𞤭𞤲𞤮𞥅𞤩𞤫 𞤉𞤶𞤭𞤨𞤼𞤵𞤲𞤢𞥄𞤩𞤫 𞤩𞤫𞤲 𞤫 𞤑𞤢𞤼𞤢𞤪𞤭𞥅𞤩𞤫 𞤩𞤫𞤲 𞤫 𞤸𞤢𞥄𞤤𞤣𞤭𞤺𞤢𞤤 𞤀𞤥𞤫𞤪𞤭𞤪𞤳. 𞤉𞤩𞥆𞤮𞥅𞤪𞤫 𞤲𞤣𞤫𞤲 𞤲𞤮 𞤸𞤮𞤤𞥆𞤭 𞤬𞤭𞥅 𞤩𞤵𞥅𞤩𞤼𞤭𞤲𞤺𞤮𞤤 𞤦𞤢𞤤𞤯𞤫 𞥖𞥐 (𞤤𞤫𞤦𞥆𞤭 𞤯𞤭𞤯𞤭). 𞤏𞤢𞤯𞤼𞤭 𞤯𞤵𞤲 𞤲𞤮 𞤼𞤢𞤱𞤢𞥄 𞤱𞤢𞤯𞤼𞤭𞤼𞤵𞤺𞤮𞤤 𞤳𞤢𞤧𞤤𞤢𞤥𞤮𞤳𞤮𞥅𞤩𞤫. (𞤃𞤮 𞤦𞤫𞥅 𞤶𞤮𞤺𞤲𞤭𞤼𞤢 𞤮𞤴𞤢 𞤩𞤫 𞤶𞤮𞤺𞤢𞤲𞤭𞥅𞤯𞤵𞤲 𞤩𞤫𞤲).
𞤅𞤫𞤲𞤺𞤮 𞤋𞤧𞤪𞤢𞥄𞤭𞥅𞤤𞤢 𞤩𞤫 𞤶𞤢𞥄𞤦𞤭𞤼𞤢𞥄𞤳𞤭 𞤼𞤢𞤸𞤮 𞤲𞤣𞤫𞥅 𞤬𞤫𞤱𞤶𞤮𞥅𞤪𞤫. 𞤄𞤫𞤲𞤧𞤢𞤥𞤭𞤲 𞤐𞤫𞤼𞤢𞤻𞤢𞤵⹁ 𞤢𞤪𞤣𞤮 𞤶𞤢𞥄𞤺𞤮𞤪𞤢𞤤 𞤭𞤧𞤪𞤢𞥄𞤴𞤭𞥅𞤤𞤢 𞤲𞤺𞤢𞤤 𞤲𞤮 𞤧𞤫𞥅𞤣𞤭𞤼𞤭𞥅 𞤪𞤫𞤲𞤣𞤭𞤲𞤮 𞤲𞤺𞤮𞤲 𞤲𞤮 𞤼𞤭𞥅𞤯𞤭 𞤫 𞤸𞤮𞥅𞤪𞤫 𞤥𞤢𞤳𞥆𞤮 𞤬𞤭𞥅 𞤴𞤮 𞤮 𞤶𞤢𞤩𞤵⹁ 𞤳𞤮𞤲𞤮 𞤥𞤮 𞤸𞤢𞤩𞥆𞤭𞤼𞤭𞥅 𞤮 𞤼𞤢𞤦𞤭𞤲𞤼𞤭𞤲𞤢𞤴 𞤫𞤩𞥆𞤮𞥅𞤪𞤫 𞤸𞤢𞤪𞤫 𞤳𞤮𞤲𞤵 𞤥𞤢𞤳𞥆𞤮 𞤬𞤭𞥅 𞤲𞤮 𞤩𞤫 𞤸𞤫𞤩𞤼𞤭𞤪𞤢 𞤘𞤢𞤧𞤢𞥄 𞤅𞤭𞤼𞤭𞥅.
𞤍𞤫𞤲 𞤢𞤲𞤣𞤭𞤲𞤢 𞤱𞤮𞤲𞤣𞤫 𞤸𞤢𞤴 𞤴𞤭𞤥𞤩𞤫 𞤭𞤧𞤪𞤢𞥄𞤴𞤭𞥅𞤤𞤢 𞤩𞤫𞤲 𞤴𞤢𞤤𞤼𞤵𞤲𞤮 𞤸𞤮𞤤𞥆𞤵𞤺𞤮𞤤 𞤬𞤢𞥄𞤤𞤫 𞤥𞤵𞤲 𞤲𞤮 𞤤𞤢𞥄𞤥𞤩𞤫 𞤥𞤢𞤩𞥆𞤫 𞤩𞤫𞤲 𞤼𞤢𞤰𞤻𞤭𞤪𞤢 𞤸𞤢𞤪𞤫 𞤯𞤫𞤲⹁ 𞤬𞤭𞥅 𞤲𞤮 𞤴𞤭𞤥𞤩𞤫 𞤥𞤢𞤩𞥆𞤫 𞤶𞤮𞤺𞤢𞥄𞤩𞤫 𞤩𞤫𞤲 𞤸𞤫𞤩𞤼𞤮𞤪𞤢.
𞤑𞤢 𞤬𞤫𞤱𞤣𞤢𞥄 𞤯𞤮𞥅 𞤸𞤢𞤲𞤣𞤫 𞤨𞤢𞤤𞤫𞤧𞤼𞤭𞤲𞤢𞥄𞤩𞤫 𞤩𞤫𞤲 𞤱𞤢𞤪𞤢𞥄𞤥𞤢 𞤥𞤮𞤰𞥆𞤭⹁ 𞤳𞤮 𞤴𞤢𞤱𞤼𞤭 𞥖𞥒.𞥐𞥐𞥐 𞤴𞤭𞤥𞤩𞤫 𞤸𞤫𞤣𞥆𞤭𞤳𞤫 𞤫 𞤸𞤢𞤪𞤫 𞤯𞤫𞤲. 𞤐𞤮 𞤼𞤢𞤱𞤢𞥄 𞤳𞤢𞤣𞤭 𞤤𞤫𞤼𞥆𞤫 𞤯𞤫 𞤩𞤫 𞤲𞤢𞤩𞤭⹁ 𞤸𞤫𞥅𞤺𞤫 𞤲𞤺𞤫𞤲⹁ 𞤦𞤵𞤴 𞤥𞤢𞥄𞤴𞤭𞥅 𞤧𞤢𞤦𞤵 𞤢𞤲𞤺𞤢𞤤 𞤻𞤢𞥄𞤥𞤫𞤼𞤫 𞤫 𞤢𞤲𞤺𞤢𞤤 𞤤𞤫𞤳𞥆𞤭.
𞤑𞤢 𞤸𞤮𞤥𞤦𞤵𞤺𞤮𞤤⹁ 𞤥𞤮𞤰𞥆𞤭𞤲𞤼𞤭𞤲𞤮𞥅𞤩𞤫 𞤩𞤫𞤲 (𞤉𞤧𞤭𞤨𞤼𞤵⹁ 𞤑𞤢𞤼𞤢𞥄𞤪⹁ 𞤀𞤥𞤫𞤪𞤭𞤪𞤳) 𞤬𞤢𞥄𞤥𞤮𞤲'𞤣𞤭𞤪𞤭𞥅 𞤫 𞤖𞤢𞤥𞤢𞥄𞤧 𞤲𞤮 𞤸𞤢𞤪𞤫 𞤯𞤫𞤲 𞤼𞤢𞤰𞤻𞤭𞤪𞤫𞥅 𞤦𞤢𞤤𞤯𞤫 𞥖𞥐⹁ 𞤳𞤮𞤲𞤮 𞤋𞤧𞤪𞤢𞥄𞤴𞤭𞥅𞤤𞤢 𞤼𞤮𞤲𞤼𞤢𞥄𞤳𞤭 𞤼𞤢𞤸𞤮. 𞤂𞤢𞥄𞤥𞤢𞥄𞤩𞤫 𞤩𞤫𞤲 𞤳𞤢𞤲 𞤫 𞤲𞤮𞤳𞥆𞤫𞥅𞤤𞤭 𞤯𞤭𞤲 𞤯𞤭𞤯𞤭 𞤲𞤮𞤲 𞤲𞤮 𞤱𞤮𞤲𞤢𞤲𞤭 𞤴𞤮 𞤩𞤵𞥅𞤩𞤼𞤵⹁ 𞤥𞤮 𞤦𞤫𞥅 𞤳𞤢𞤣𞤭 𞤸𞤫𞤩𞤼𞤢 𞤩𞤫 𞤶𞤮𞤺𞤭𞤼𞤢𞤲𞤢𞥄 𞤩𞤫𞤲.
𞤅𞤀𞥄𞤈𞤀 𞤁𞤉𞤄𞤉𞤐 ☕✒️
#Adlam
#Adlam_Palestine
#Adlam_Israël
𞤋𞤧𞤪𞤢𞤫𞤤 𞤳𞤮 𞤦𞤮𞤲𞤩𞤫 𞤶𞤮𞤺𞤭𞥅𞤩𞤫 𞤣𞤮𞥅𞤤𞤫 𞤩𞤫 𞤱𞤫𞤤𞤼𞤢𞥄 𞤬𞤢𞥄𞤥𞤮𞤲𞤣𞤭𞤪𞤣𞤫