𞤔𞤢𞤲𞤺𞤵𞤺𞤮𞤤 𞤣𞤫𞤬𞤼𞤫 𞤸𞤭𞤲𞤮 𞤪𞤮𞤳𞥆𞤢 𞤲𞤢𞤬𞤮𞥅𞤶𞤫 𞤳𞤫𞥅𞤱𞤯𞤫 𞤫 𞤰𞤫𞤤𞥆𞤭𞤼𞤢𞥄𞤪𞤫 𞤲𞤫𞤯𞥆𞤮 𞤳𞤢𞤻𞤵𞤲 𞤫 𞤸𞤢𞤹𞥆𞤭𞤤⹁
𞤉 𞤸𞤭𞤲𞤮 𞤯𞤮𞥅 𞤴𞤮𞤺𞤢 𞤫 𞤲𞤢𞤬𞤮𞥅𞤶𞤫 𞤼𞤢𞤪𞤵𞤺𞤮𞤤.
𞥑- 𞤖𞤭𞤲𞤮 𞤩𞤵𞥅𞤩𞤲𞤢 𞤲𞤺𞤢𞥄𞤲𞤣𞤭(𞤲𞤺𞤫𞥅𞤼𞤵): 𞤶𞤢𞤲𞤺𞤵𞤺𞤮𞤤 𞤸𞤭𞤲𞤮 𞤺𞤮𞤤𞥆𞤭𞤲𞤢 𞤲𞤺𞤢𞥄𞤲𞤣𞤭 𞤲𞤣𞤭𞤲⹁𞤸𞤭𞤲𞤮 𞤱𞤢𞥄𞤱𞤭 𞤳𞤢𞤣𞤭 𞤯𞤵𞤴𞤼𞤵𞤣𞤫 𞤽𞤢𞤳𞥆𞤫𞤪𞤫 𞤸𞤢𞤹𞥆𞤭𞤤 𞤴𞤮𞤱𞤭𞤼𞤭𞥅𞤲𞤣𞤫 𞤫 𞤼𞤮𞥅𞤱𞤵𞤺𞤮𞤤 𞤣𞤵𞥅𞤩𞤭.
𞥒-𞤖𞤭𞤲𞤮 𞤯𞤵𞤴𞤼𞤢 𞤴𞤮𞥅𞤥𞤫𞤪𞤫: 𞤐𞤢𞥄𞤼𞤵𞤺𞤮𞤤 𞤫 𞤲𞤣𞤫𞤪 𞤣𞤫𞤬𞤼𞤫𞤪𞤫 𞤥𞤮𞤰𞥆𞤫𞤪𞤫 𞤸𞤭𞤲𞤮 𞤱𞤢𞥄𞤱𞤭 𞤱𞤢𞤤𞥆𞤵𞤣𞤫 𞤥𞤢 𞤵𞤧𞤼𞤵𞤣𞤫 𞤴𞤮𞥅𞤥𞤫𞤪𞤫(𞤥𞤭𞥅𞤶𞤢𞤺𞤮𞤤 𞤥𞤭𞥅𞤶𞤮𞥅𞤶𞤭 𞤦𞤮𞤲𞤯𞤭)𞤫 𞤲𞤢𞤩𞤢𞤥𞤢𞥄 𞤫 𞤢𞤣𞤵𞤲𞤢 𞤺𞤮𞤯𞥆𞤮.
𞥓-𞤖𞤭𞤲𞤮 𞤩𞤫𞤴𞤣𞤢 𞤺𞤢𞤲𞤣𞤢𞤤: 𞤑𞤢𞤤𞤢 𞤣𞤫𞤬𞤼𞤫𞤪𞤫 𞤲𞤣𞤫 𞤶𞤢𞤲𞤺𞤵𞤯𞤢𞥄⹁ 𞤸𞤭𞤲𞤮 𞤢𞤤𞤯𞤭𞤲𞤢 𞤸𞤢𞤹𞥆𞤭𞤤𞤫 𞤥𞤢𞥄 𞤯𞤫𞤲(𞤩𞤫𞤴𞤣𞤢𞤲𞤫 𞤢𞤲𞤣𞤢𞤤) 𞤫 𞤳𞤵𞤥𞤨𞤭𞤼𞤫⹁ 𞤫 𞤴𞤭𞤴𞤣𞤫 𞤳𞤫𞤧𞤵𞤲.
𞥔-𞤖𞤭𞤲𞤮 𞤩𞤫𞤴𞤣𞤢 𞤳𞤫𞤤𞤥𞤫𞥅𞤲𞤣𞤭: 𞤚𞤢𞤪𞤵𞤺𞤮𞤤 𞤸𞤭𞤲𞤮 𞤩𞤫𞤴𞤣𞤢𞤲𞤢 𞤲𞤫𞤯𞥆𞤮 𞤳𞤫𞤤𞤥𞤫𞥅𞤲𞤣𞤭 (𞤳𞤮𞤲𞤺𞤵𞤯𞤭 𞤳𞤫𞤧𞤭 𞤯𞤭 𞤮 𞤢𞤲𞤣𞤢𞥄𞤲𞤮) 𞤫 𞤢𞤰𞥆𞤢𞤲𞤺𞤮𞤤 𞤯𞤫𞤲𞤺𞤢𞤤 𞤲𞤺𞤢𞤤 𞤱𞤮𞥅𞤱𞤼𞤢 𞤲𞤺𞤢𞤤.
𞥕-𞤖𞤭𞤲𞤮 𞤰𞤫𞤤𞥆𞤭𞤼𞤢 𞤥𞤭𞥅𞤶𞤮: 𞤔𞤢𞤲𞤺𞤵𞤺𞤮𞤤 𞤬𞤭𞥅 𞤨𞤫𞤰𞥆𞤭 𞤫 𞤶𞤭𞤳𞥆𞤵𞥅𞤶𞤭 𞤸𞤭𞤲𞤮 𞤧𞤫𞤥𞤦𞤭𞤲𞤢 𞤰𞤮𞤰𞤪𞤫 𞤥𞤢𞥄 𞤫 𞤥𞤭𞥅𞤶𞤮𞤥𞤢𞥄.
𞥖-𞤁𞤫𞥅𞤰𞤣𞤫 𞤫 𞤸𞤢𞤹𞥆𞤭𞤤𞤺𞤮𞤤: 𞤔𞤢𞤲𞤺𞤵𞤺𞤮𞤤 𞤸𞤭𞤲𞤮 𞤤𞤢𞤲𞤣𞤭𞥅 𞤣𞤫𞥅𞤰𞤪𞤫 𞤫 𞤱𞤢𞤯𞤼𞤵𞤺𞤮𞤤 𞤬𞤮𞤲𞤣𞤮⹁ 𞤳𞤮 𞤯𞤵𞤲 𞤱𞤢𞤯𞤭 𞤶𞤢𞤲𞤺𞤵𞤺𞤮𞤤 𞤲𞤺𞤮𞤤 𞤲𞤮 𞤱𞤢𞤤𞥆𞤭𞤼𞤮𞤥𞤢𞥄 𞤫 𞤱𞤮𞥅𞤱𞤭𞤲𞤢𞤺𞤮𞤤 𞤫 𞤲𞤺𞤵𞤲 𞤯𞤮𞤲 𞤶𞤭𞤳𞥆𞤵 𞤸𞤢𞥄 𞤼𞤢𞤦𞤭𞤼𞤢𞥄 𞤫 𞤥𞤵𞤲.
𞥗- 𞤇𞤫𞤴𞤣𞤵𞤣𞤫 𞤴𞤵𞤪𞤥𞤫𞥅𞤲𞤣𞤫: 𞤧𞤭 𞤢 𞤱𞤢𞤯𞤼𞤭𞥅 𞤸𞤮𞤸𞤪𞤫 𞤥𞤢𞥄 𞤫 𞤴𞤭𞤥𞤩𞤫 𞤱𞤮𞤲𞤢𞥄𞤩𞤫 𞤺𞤫𞤪𞤣𞤫𞥅𞤣𞤫 𞤫 𞤣𞤫𞤬𞤼𞤫 𞤯𞤫 𞤶𞤢𞤲𞤺𞤢𞤼𞤢𞥄 𞤯𞤫𞤲⹁ 𞤢 𞤩𞤫𞤴𞤣𞤮𞤼𞤮 𞤬𞤢𞥄𞤥𞤣𞤫 𞤫 𞤴𞤵𞤪𞤥𞤫𞥅𞤲𞤣𞤫⹁ 𞤫 𞤶𞤭𞤨𞥆𞤭𞤲𞤣𞤫 𞤸𞤮𞤸𞤪𞤫 𞤥𞤢𞥄 𞤱𞤮𞤲𞤢𞥄 𞤲𞤫𞤱𞤢𞤲𞤭𞥅𞤯𞤮 𞤴𞤭𞤥𞤩𞤫 𞤩𞤫𞤲⹁ 𞤫 𞤼𞤫𞤣𞥆𞤭𞤲𞤯𞤮 𞤩𞤫 𞤳𞤢𞤣𞤭.
𞤔𞤉𞤐𞥆𞤉 𞤁𞤌𞤘𞤓𞤅𞤀𞤂𞤋
#ADLaM #pulaar #mo_dogoussaly
