𞤳𞤢 𞤶𞤮𞤳𞥆𞤭𞤼𞤢𞤺𞤮𞤤 𞤶𞤭𞤲𞤣𞤵𞤪𞤵 𞤥𞤢𞤳𞥆𞤮 𞤲𞤣𞤵𞤲 𞤬𞤭𞥅 𞤱𞤫𞤤𞤼𞤢𞤲𞤢𞤺𞤮𞤤 𞤶𞤢𞤥𞤢𞥄𞤶𞤭 𞤯𞤭𞤲 𞤦𞤢𞤯𞤼𞤢𞤲𞤫 𞤣𞤭𞥅𞤧𞤲𞤺𞤮 𞤬𞤫𞤰𞥆𞤵𞤲𞤮𞥅𞤲𞤺𞤮 𞤲𞤺𞤮𞤲⹁ 𞤻𞤢𞤤𞤲𞤣𞤫 𞥒𞥑𞤧𞤭𞤤𞤼𞤮 𞥒𞥐𞥒𞥕⹁ 𞤄𞤀𞥄 𞤏𞤓𞥅𞤈𞤋⹁ 𞤢𞤪𞤣𞤭𞥅𞤯𞤮 𞤶𞤢𞥄𞤺𞤮𞤪𞤢𞤤 𞤺𞤭𞤲𞤫 𞤲𞤺𞤢𞤤⹁ 𞤸𞤫𞤱𞤼𞤭𞤪𞤲𞤮 𞤫 𞤶𞤮𞤲𞤼𞤫 𞤬𞤫𞤰𞥆𞤵𞤯𞤫⹁ 𞤊𞤢𞤪𞤢𞥄𞤦𞤢𞥄⹁ 𞤔𞤫𞤪𞤫𞤳𞤮𞤪𞤫⹁𞤑𞤢𞤲𞤳𞤢𞤲⹁𞤃𞤢𞥄𞤥𞤵𞤲⹁ 𞤑𞤭𞤲𞤣𞤭𞤴𞤢𞥄.
𞤫 𞤲𞤣𞤫𞤪 𞤲𞤣𞤫𞥅 𞤴𞤮𞤲𞤼𞤫𞤪𞤫 𞤯𞤮𞥅 𞤳𞤮 𞤄𞤮𞤳𞤫 𞤫 𞤂𞤢𞤦𞤫 𞤱𞤮𞤲𞤭 𞤳𞤮 𞤸𞤫𞤱𞤼𞤭 𞤲𞤺𞤢𞤥𞤵 𞤶𞤮𞥅𞤬𞤭𞤲𞤺𞤮𞤤 𞤼𞤭𞤲𞤼𞤭𞤣𞤢𞤤 𞤥𞤢𞤳𞥆𞤮 𞤫 𞤼𞤵𞤬𞤵𞤤𞥆𞤫 𞤲𞤶𞤢𞤲𞤫 𞤯𞤫𞤲 𞤳𞤢 𞤲𞤣𞤫𞤪 𞤤𞤫𞤧𞤣𞤭 𞤘𞤭𞤲𞤫 𞤯𞤮𞥅.
𞤩𞤢𞥄𞤱𞤮 𞤮 𞤼𞤢𞤱𞤣𞤫𞤺𞤮𞤤 𞤫 𞤵𞤣𞥆𞤭𞤼𞤵𞤺𞤮𞤤 𞤧𞤵𞥅𞤣𞤵-𞤮𞤤𞤯𞤫𞥅𞤪𞤭⹁ 𞤳𞤢 𞤧𞤢𞤬𞤪𞤮𞤪𞤣𞤫 𞤲𞤶𞤢𞤲𞤣𞤫 𞤄𞤮𞤳𞤫 𞤫 𞤲𞤢𞥄𞤧𞤢𞥄𞤲𞤣𞤫 𞥒𞥓 𞤴𞤢𞤪𞤳𞤮 𞥒𞥐𞥒𞥕⁏
𞤫 𞤥𞤢𞤱𞤲𞤣𞤫 𞥒𞥔 𞤴𞤢𞤪𞤳𞤮 𞤢𞤪𞤣𞤮 𞤶𞤢𞥄𞤺𞤮𞤪𞤢𞤤 𞤺𞤭𞤲𞤫 𞤲𞤺𞤢𞤤 𞤳𞤮 𞤳𞤢 𞤶𞤵𞥅𞤤𞤭𞤪𞤣𞤫 𞤥𞤢𞤱𞤲𞤣𞤫 𞤤𞤢𞤦𞤫 𞤮 𞤶𞤵𞥅𞤤𞤭 𞤶𞤵𞤥𞤢𞥄𞤪𞤫 𞤲𞤣𞤫𞤲.
𞤩𞤢𞥄𞤱𞤼𞤭 𞤯𞤵𞤲 𞤮 𞤸𞤫𞤱𞤼𞤮𞤴𞤲𞤮 𞤳𞤢 𞤧𞤵𞥅𞤣𞤵 𞤧𞤵𞤳𞤢𞥄𞤩𞤫 𞤩𞤫𞤲 𞤳𞤢 𞤮 𞤱𞤢𞤯𞤭 𞤴𞤫𞤱𞤼𞤫𞤪𞤫 𞤱𞤮𞤲𞤣𞤵𞤣𞤫 𞤫 𞤴𞤭𞤥𞤩𞤫 𞤯𞤵𞥅𞤯𞤵𞤩𞤫⹁ 𞤢𞤪𞤯𞤮𞥅𞤩𞤫 𞤼𞤢𞤱𞤣𞤫𞤺𞤮𞤤 𞤶𞤮𞥅𞤯𞤲𞤣𞤫 𞤲𞤣𞤫𞤲.
𞤌 𞤖𞤌𞤂𞥆𞤋: 𞤳𞤮 𞤸𞤮𞤲𞤯𞤵𞤲 𞤥𞤭 𞤬𞤢𞥄𞤤𞤢𞥄 𞤮𞤲 𞤴𞤫𞥅𞤼𞤢𞥄𞤣𞤫 𞤶𞤢𞤥𞤢𞥄 𞤂𞤢𞤦𞤫⹁ 𞤳𞤮 𞤥𞤢𞥄𞤴𞤯𞤮 𞤲𞤣𞤢𞥄𞤪𞤢𞤲𞤼𞤫𞥅⹁ 𞤱𞤵𞥅𞤪𞤯𞤮 𞤲𞤣𞤢𞥄𞤪𞤢𞤲𞤢𞤴 𞤸𞤮𞥅𞤪𞤫 𞤥𞤵𞤲 𞤳𞤮 𞤸𞤮𞤲𞤯𞤵𞤲 𞤲𞤢𞤬𞤢𞤼𞤢𞤥𞤮⹁ 𞤳𞤮 𞤸𞤮𞤲𞤯𞤵𞤲 𞤱𞤢𞤤𞥆𞤢𞤼𞤢𞤥𞤮⹁ 𞤸𞤢𞤲𞤣𞤫 𞤫 𞤶𞤢𞤲𞤺𞤮⹁ 𞤸𞤢𞤪𞤢 𞤳𞤮 𞤨𞤮𞥅𞤤𞤺𞤢𞤤 𞤫 𞤴𞤢𞥄𞤪𞤵𞤺𞤮𞤤 𞤴𞤫𞥅𞤧𞤮⹁ 𞤮 𞤣𞤢𞤪𞤢𞤲𞤼𞤮𞥅 𞤬𞤭𞥅 𞤥𞤵𞤲.
𞤧𞤭 𞤲𞤫𞤯𞥆𞤮 𞤼𞤢𞤱𞤭𞥅 𞤻𞤢𞤤𞤲𞤣𞤫 𞤱𞤮𞥅 𞤳𞤮 𞤩𞤢𞥄𞤱𞤪𞤫-𞤩𞤢𞥄𞤱𞤪𞤫⹁𞤱𞤮𞤲𞤭 𞤴𞤢𞥄𞤪𞤣𞤫⹁ 𞤮 𞤣𞤢𞤪𞤼𞤮𞤼𞤮 𞤻𞤢𞤲𞤣𞤫 𞤺𞤮𞥅 𞤮 𞤤𞤢𞤲𞤣𞤭𞤼𞤮𞥅⹁ 𞤸𞤮𞥅𞤪𞤫 𞤥𞤢𞤳𞥆𞤮⹁ 𞤸𞤢𞤪𞤢 𞤳𞤮 𞤸𞤮𞤲𞤼𞤮 𞤥𞤭 𞤬𞤮𞤳𞥆𞤭𞤼𞤭؟
𞤧𞤭 𞤧𞤵𞤳𞤢𞥄𞤩𞤫 𞤩𞤫𞤲 𞤭𞤲𞥆𞤭𞥅 𞤩𞤫 𞤬𞤢𞥄𞤥𞤭𞥅 𞤱𞤫𞤤𞤼𞤢𞤲𞤮𞤯𞤫𞤲 𞤩𞤫⹁𞤶𞤢𞥄𞤪𞤲𞤫𞤲 𞤩𞤫⹁ 𞤱𞤢𞤳𞥆𞤭𞤤𞤭𞤲𞤫𞤲 𞤩𞤫⹁ 𞤴𞤮 𞤩𞤫 𞤢𞤲𞤣𞤵 𞤳𞤮 𞤸𞤮𞤲𞤯𞤵𞤲 𞤬𞤭𞤪𞤼𞤭 𞤱𞤭𞤴𞤵𞤺𞤮𞤤 𞤥𞤫𞤲 𞤬𞤢𞥄𞤥𞤭𞥅.
𞤧𞤢𞤦𞤵 𞤥𞤫𞤲 𞤬𞤢𞥄𞤥𞤭𞥅 𞤱𞤮𞤲𞤢𞥄 𞤳𞤫𞤤𞥆𞤢𞤲𞤺𞤮𞤤 𞤺𞤮𞤯𞥆𞤮⹁𞤱𞤮𞤲𞤢𞥄 𞤶𞤮𞤳𞥆𞤭𞤪𞤺𞤮𞤤 𞤲𞤭𞥅 𞤼𞤵𞤲⹁ 𞤬𞤢𞥄𞤥𞤵𞤺𞤮𞤤⹁ 𞤳𞤮 𞤱𞤭𞤴𞤵𞤺𞤮𞤤 𞤥𞤭𞤲 𞤳𞤢𞤣𞤭 𞤥𞤭𞤯𞤮 𞤶𞤫𞤴𞤢𞥄 𞤫 𞤲𞤣𞤫𞤪 𞤲𞤣𞤭𞥅 𞤤𞤫𞤧𞤣𞤭⹁ 𞤥𞤭 𞤫𞤼𞤮𞤼𞤮 𞤥𞤭 𞤱𞤵𞥅𞤪𞤢 𞤲𞤺𞤵𞥅𞤪𞤲𞤣𞤢𞤲⹁ 𞤱𞤢𞥄𞤱𞤢𞤴 𞤤𞤢𞤲 𞤯𞤢𞤲 𞤩𞤢𞤲𞤼𞤵𞤣𞤫 𞤥𞤭𞤲 𞤫 𞤪𞤫𞤲𞤣𞤮 𞤢𞤥 𞤲𞤺𞤮𞤲⁏ 𞤳𞤮 𞤸𞤢𞥄𞤲𞤢𞤲𞤭𞤥𞥆𞤭 𞤳𞤮𞤲 𞤳𞤢𞤣𞤭 𞤳𞤮 𞤦𞤫𞥅 𞤼𞤫𞤣𞥆𞤭𞤲𞤫𞥅⹁ 𞤳𞤮 𞤯𞤵𞤲 𞤯𞤮𞤲 𞤱𞤮𞤲𞤭 𞤬𞤢𞥄𞤥𞤵𞤺𞤮𞤤.
𞤱𞤮𞤲𞤢𞥄 𞤵𞤺𞥆𞤭𞤲𞤢𞤺𞤮𞤤⹁ 𞤥𞤮 𞤵𞤺𞥆𞤭𞤲𞤭𞤳𞤫 𞤧𞤭 𞤱𞤢𞤯𞤼𞤢𞤲𞤢𞥄𞤤𞤭 𞤴𞤭𞤤𞤢⹁ 𞤺𞤮𞥅𞤲𞤺𞤢 𞤥𞤢𞥄𞤯𞤢 𞤳𞤢𞤲 𞤬𞤵𞥅𞤼𞤮𞤼𞤮𞤥𞤢⹁𞤸𞤢𞤪𞤢 𞤢 𞤢𞤥𞤣𞤢𞥄 𞤳𞤮 𞤸𞤮𞤲𞥆𞤮 𞤬𞤵𞥅𞤼𞤮𞤪𞤥𞤢𞥄⹁𞤧𞤢𞤦𞤵 𞤲𞤣𞤭𞥅 𞤤𞤫𞤧𞤣𞤭 𞤳𞤮 𞤲𞤭𞥅 𞤢𞤷𞥆𞤭𞤪𞤼𞤢𞥄𞤲𞤣𞤭⹁ 𞤸𞤢𞤴 𞤫 𞤬𞤵𞤧 𞤱𞤢𞥄𞤱𞤫𞤼𞤢𞥄𞤳𞤫 𞤥𞤮𞤰𞥆𞤭𞤲𞤼𞤭𞤲𞤫𞥅𞤣𞤫⹁𞤥𞤮 𞤼𞤫𞤱𞤼𞤭𞤳𞤫 𞤲𞤮𞤲 𞤯𞤵𞤲𞤯𞤮𞤲 𞤦𞤮𞤲𞥆𞤢𞤴 𞤳𞤮 𞤥𞤮𞤰𞥆𞤢𞤼𞤢.
𞤅𞤭 𞤼𞤢𞤱𞤭𞥅 𞤶𞤫𞤲𞤫𞤪𞤢𞥄𞤤 𞤥𞤢𞥄𞤥𞤢𞤣𞤭𞥅 𞤣𞤵𞤥𞤦𞤵𞤴𞤢𞥄 𞤼𞤫𞤱𞤼𞤭𞤲𞤮 𞤸𞤢𞥄𞤤𞤢𞥄𞤶𞤭 𞤺𞤮𞥅 𞤲𞤮 𞤼𞤮𞤲⹁ 𞤼𞤢𞤱𞤧𞤭 𞤧𞤭 𞤸𞤢𞤲𞤣𞤫 𞤫 𞤲𞤣𞤫𞤪 𞤣𞤵𞥅𞤩𞤭 𞥔 𞤨𞤫𞤼⹁ 𞤧𞤭𞤥𞤢𞤲𞤣𞤵𞥅 𞤳𞤢𞤥 𞤱𞤢𞤯𞤭 𞥖𞥗𞥐 𞤳𞤥 𞤤𞤢𞥄𞤱𞤮𞤤 𞤲𞤶𞤢𞤥𞤲𞤣𞤭⹁𞤱𞤮𞤲𞤣𞤵𞤣𞤫 𞤫 𞤲𞤮𞤳𞥆𞤫𞥅𞤤𞤭 𞤩𞤵𞤪𞤯𞤭 𞤸𞤭𞤼𞥆𞤵𞤣𞤫 𞤬𞤭𞥅 𞤲𞤺𞤢𞤤𞤵 𞤤𞤫𞤧𞤣𞤭⹁𞤼𞤫𞤲𞤼𞤭𞤲𞤭𞥅 𞤳𞤮 𞤴𞤮𞤱𞤭𞤼𞤭𞥅 𞤫 𞤲𞤶𞤢𞤲𞤯𞤫. 𞤼𞤢𞤱 𞤧𞤭 𞤯𞤵𞤲 𞤱𞤢𞥄𞤱𞤫𞤼𞤫𞤲𞤮 𞤺𞤮𞤤𞥆𞤫𞥅𞤣𞤫؟
𞤳𞤮 𞤣𞤵𞥅𞤩𞤭 𞤶𞤫𞤤𞤵⹁ 𞤳𞤮 𞤤𞤢𞥄𞤥𞤵𞥅𞤶𞤭 𞤶𞤫𞤤𞤵 𞤬𞤵𞤯𞥆𞤭𞤲𞤮𞥅 𞤯𞤵𞤲 𞤯𞤮𞤲 𞤪𞤮𞤲𞤳𞤭 𞤺𞤢𞤴𞤲𞤵𞤣𞤫؟ 𞤸𞤢𞤴 𞤩𞤫 𞤥𞤵𞥅𞤼𞤢𞥄𞤳𞤭.
𞤳𞤮 𞤯𞤵𞤲 𞤯𞤮𞤲 𞤶𞤢𞤲𞤺𞤮𞤼𞤮𞤲⹁𞤧𞤭 𞤼𞤢𞤱𞤭𞥅 𞤫𞤲 𞤭𞤲𞥆𞤭𞥅 𞤫𞤲𞤫𞤲 𞤳𞤢𞤣𞤭 𞤸𞤭𞤯𞤫𞤲 𞤬𞤢𞥄𞤤𞤢𞥄⹁ 𞤴𞤮 𞤤𞤫𞤧𞤣𞤭 𞤥𞤫𞥅𞤲 𞤲𞤣𞤭𞤲 𞤱𞤮𞤲𞤵 𞤤𞤫𞤧𞤣𞤭 𞤶𞤫𞤴𞤢𞥄𞤲𞤣𞤭 𞤫 𞤤𞤫𞤧𞤯𞤫 𞤳𞤫𞤤𞤯𞤵𞤯𞤫 𞤯𞤫𞤲 𞤳𞤢 𞤣𞤵𞥅𞤲𞤺𞤢𞤤 𞤥𞤫𞤲 𞤢𞤬𞤪𞤭𞤳𞤭 𞤯𞤮𞥅⹁ 𞤱𞤮𞤼𞤢 𞤮𞤲 𞤭𞤲𞥆𞤵 𞤫𞤸𞤸𞤸𞤸 𞤩𞤫𞥅𞤯𞤮𞥅 𞤳𞤢𞤻𞤵𞤲 𞤳𞤢𞤣𞤭 𞤳𞤮 𞤸𞤢𞥄𞤤𞤢 𞤼𞤵𞤲 𞤶𞤮𞤳𞥆𞤭⹁ 𞤧𞤢𞤦𞤵 𞤯𞤵𞤲 𞤱𞤢𞤯𞤮𞤴𞤢𞤴 𞤧𞤭 𞤢𞤤𞤤𞤢𞥄𞤸𞤵 𞤶𞤢𞤩𞤭𞥅.
𞤩𞤮𞥅𞤴𞤢𞥄𞤥𞤢 𞤱𞤮𞤱𞤤𞤫𞥅𞤣𞤫 𞤱𞤮𞤲𞤣𞤫 𞤲𞤣𞤭𞥅 𞤤𞤫𞤧𞤣𞤭 𞤥𞤫𞤲 𞤳𞤮 𞤤𞤫𞤧𞤣𞤭⹁ 𞤳𞤢𞤬𞤢𞤲𞤳𞤫𞥅𞤪𞤭⹁(𞤧𞤮𞤧𞤭𞤴𞤢𞤤𞤭𞤧𞤼𞤭) 𞤳𞤮𞤲𞤮 𞤳𞤮 𞤫 𞤳𞤭𞥅 𞤧𞤢𞥄𞤸𞤭 𞤯𞤮𞥅⹁𞤬𞤮𞤬𞤼𞤭𞤲𞤢𞥄𞤩𞤫 𞤺𞤮𞤤𞥆𞤫 𞤩𞤫𞤲⹁ 𞤸𞤫𞤩𞤭 𞤲𞤣𞤫𞥅𞤲𞤢𞥄𞤺𞤵 𞤷𞤫𞤤𞥆𞤢𞤤⹁(𞤢𞤧𞤵𞥅𞤪𞤢𞤲𞤧𞤭 𞤥𞤢𞤤𞤢𞤣𞤭𞥅)⹁ 𞤳𞤮 𞤯𞤵𞤲 𞤱𞤢𞤯𞤭 𞤸𞤢𞥄 𞤥𞤭 𞤱𞤭𞤴𞤭 𞤫𞤲 𞤴𞤭𞤥𞤢𞤼𞤢𞥄⹁𞤦𞤢𞤴𞤤𞤭𞤼𞤢𞤤 𞤲𞤺𞤢𞤤⹁ 𞤫𞤲 𞤱𞤢𞤯𞤢𞤴 𞤦𞤢𞤴𞤤𞤭𞤼𞤢𞤤 𞤲𞤺𞤢𞤤.(𞤪𞤫𞤱𞤮𞤤𞤭𞤧𞤭𞤴𞤮𞤲)
𞤲𞤣𞤢𞥄𞤪𞤼𞤫𞥅 𞤳𞤮 𞤧𞤢𞤬𞤪𞤮𞤪𞤯𞤫 𞤶𞤫𞤤𞤵 𞤣𞤢𞤪𞤲𞤢𞥄 𞤫 𞤲𞤣𞤫𞤪 𞤯𞤭𞥅 𞤣𞤵𞥅𞤩𞤭 𞤼𞤢𞤼𞤭⹁ 𞤯𞤮𞥅 𞤥𞤢𞤤𞥆𞤢 𞤣𞤵𞥅𞤩𞤭 𞥔⹁ 𞤯𞤵𞤲 𞤤𞤭𞤥𞤼𞤮𞤼𞤢𞥄𞤳𞤮⹁𞤳𞤮 𞤥𞤭 𞤸𞤢𞥄𞤤𞤭𞤪𞤢𞤲𞤭 𞤮𞤲 𞤯𞤵𞤲𞤯𞤮𞥅 𞤳𞤮 𞤢𞤲𞤣𞤭𞤲𞤺𞤮𞤤 𞤮𞤲 𞤸𞤭𞤲𞤮 𞤱𞤢𞤳𞥆𞤭𞤤𞤫𞥅𞤣𞤫.
𞤥𞤭 𞤭𞤲𞥆𞤢𞥄𞤤𞤭 𞤬𞤮𞤱 𞤤𞤢𞤲𞥆𞤭𞥅⹁𞤼𞤢𞤥𞤨𞤫𞤪𞤫𞥅𞤶𞤭 𞤢𞤤𞤢𞥄 𞤫 𞤤𞤫𞤧𞤣𞤭 𞤥𞤫𞤫𞤲 𞤲𞤣𞤭𞤲⹁𞤸𞤭𞤲𞤮 𞤤𞤵𞤼𞥆𞤭 𞤦𞤵𞤴 𞤳𞤢𞤣𞤭 𞤳𞤮 𞤸𞤢𞥄𞤲𞤢𞥄 𞤱𞤢𞤯𞤫𞥅𞤣𞤫⹁ 𞤧𞤭 𞤤𞤫𞤧𞤣𞤭 𞤱𞤮𞤲𞤭𞥅 𞤩𞤵𞤪𞤭 𞤣𞤵𞥅𞤩𞤭 𞥖𞥐 𞤳𞤮 𞤳𞤫𞤤𞤯𞤭 𞤱𞤢𞤯𞤢𞥄𞤳𞤢 𞤫 𞤥𞤢𞤴𞤪𞤭⹁ 𞤱𞤮𞤲𞤢𞥄 𞤫 𞤲𞤣𞤫𞤪 𞤣𞤵𞥅𞤩𞤭 𞤯𞤭𞤯𞤭⹁ 𞤥𞤢𞤤𞥆𞤢 𞤣𞤵𞥅𞤩𞤭 𞤼𞤢𞤼𞤭 𞤨𞤫𞤼⹁ 𞤯𞤵𞤲 𞤯𞤮𞤲 𞤬𞤮𞤱 𞤥𞤮𞤰𞥆𞤭𞤲𞤼𞤭𞤲𞤼𞤫𞥅.
✍️𞤔𞤉𞤐𞥆𞤉 𞤁𞤌𞤘𞤓𞤅𞤀𞤂𞤋.
