𞤑𞤌𞤐𞤀𞥄𞤑𞤋𞤈𞤋 - 𞤉 𞤲𞤣𞤫𞤪 𞤲𞤣𞤫 𞤣𞤫𞤲𞤼𞤢𞤤 CEDEAO (𞤐𞤁𞤉𞤐𞤘𞤀) 𞤸𞤫𞤦𞤤𞤢𞤲𞤭𞥅 𞤬𞤭𞥅 𞤴𞤢𞤤𞤼𞤭𞤲𞤣𞤫 𞤉𞤳𞤮𞥅 𞤮𞤲 𞤫 𞤸𞤭𞤼𞤢𞥄𞤲𞤣𞤫 𞥒𞥐𞥒𞥗⹁
𞤘𞤭𞤲𞤫 𞤳𞤢𞤻𞤵𞤲⹁ 𞤸𞤮𞥅𞤪𞤫𞥅𞤶𞤮 𞤃𞤢𞤥𞤢𞤣𞤭 𞤁𞤵𞤥𞤦𞤵𞤴𞤢 𞤼𞤢𞤰𞤭𞥅 𞤬𞤭𞥅 𞤶𞤢𞤲𞤺𞤮 𞤳𞤢𞥄𞤤𞤭𞤧𞤭 𞤤𞤫𞤴𞤣𞤭 𞤥𞤢𞤳𞥆𞤮 𞤲𞤣𞤭𞤲.
𞤀𞤪𞤣𞤭𞥅𞤯𞤮 𞤘𞤭𞤲𞤫 𞤮𞤲 𞤧𞤵𞤩𞤭𞤳𞤫 𞤶𞤮𞤳𞥆𞤵𞤺𞤮𞤤 𞤺𞤮𞤤𞥆𞤭𞤪𞤢 𞤬𞤢𞤪𞤢𞤲 𞤘𞤭𞤲𞤫 𞤮𞤲 (𞤘𞤲𞤬).
𞤉 𞤴𞤮𞤼𞥆𞤭𞤲𞤮𞤤 𞤳𞤵𞤥𞤨𞤭𞤼𞤮𞥅𞤱𞤮 𞤳𞤫𞤧𞤮 𞤤𞤢𞥄𞤥𞤵 𞤲𞤺𞤵𞤲⹁ 𞤊𞤢𞤴𞤢 𞤊𞤢𞤪𞤢𞤲𞤧𞤵𞤱𞤢 𞤄𞤵𞤪𞤵𞤲𞤮⹁ 𞤖𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤲𞤣𞤭𞤲 𞤼𞤢𞤦𞤭𞤲𞤼𞤭𞤲𞤭𞥅 𞤫 𞤲𞤣𞤫𞤪 𞤨𞤮𞤼𞥆𞤢𞤤 𞤅𞤉𞥅𞤁𞤉𞥅𞤀𞥄𞤏𞤌𞥅 𞤩𞤫𞤲𞥆𞤵𞤲𞤺𞤢𞤤 𞤳𞤢 𞤊𞤭𞤪𞤭𞤼𞤢𞤱𞤵𞤲⹁ 𞤶𞤮𞤳𞥆𞤵𞤺𞤮𞤤 𞤘𞤭𞤲𞤫 𞤫 𞤲𞤦𞤵𞥅𞤯𞤭 𞤥𞤢𞤩𞥆𞤫 𞤱𞤮𞥅𞤱𞤯𞤭 𞤯𞤭𞤲.
𞤖𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤲𞤣𞤭𞤲 𞤢𞤲𞤣𞤭𞤲𞤼𞤭𞤲𞤭𞥅 𞤱𞤮𞤲𞤣𞤫 𞤘𞤭𞤲𞤫 𞤲𞤮 𞤴𞤢𞤲𞤺𞤢𞤲𞤢𞥄𞤣𞤫 𞤳𞤢𞥄𞤤𞤭𞤧𞤭 𞤳𞤢𞥄𞤤𞤭𞤧𞤭 𞤥𞤵𞤲⹁ 𞤫 𞤸𞤮𞥅𞤪𞤫 𞤥𞤵𞤲 𞤺𞤭𞤤𞤢 𞤳𞤮 𞤩𞤵𞤪𞤭 𞤣𞤵𞥅𞤩𞤭 𞥖𞥕.
𞤲𞤺𞤢𞤥 𞤥𞤮𞤰𞥆𞤫𞤪𞤫 𞤩𞤭𞤩𞥆𞤫 𞤘𞤭𞤲𞤫 𞤩𞤫𞤲⹁” 𞤳𞤮 𞤲𞤭𞥅 𞤶𞤢𞥄𞤺𞤮𞤪𞤯𞤮 𞤮𞤲 𞤸𞤮𞤤𞥆𞤭𞤪𞤭 𞤫 𞤲𞤣𞤫𞤪 𞤳𞤵𞤥𞤨𞤭𞤼𞤢𞤤 𞤥𞤢𞤳𞥆𞤮 𞤫 𞤁𞤭𞥅𞤧𞤲𞤫𞤼𞤫𞥅𞤯𞤮 𞤔𞤢𞥄𞤺𞤮𞤪𞤩𞤫 𞤩𞤫𞤲 𞤻𞤢𞤤𞤲𞤣𞤫 𞤲𞤶𞤫𞤧𞤤𞤢𞥄𞤪𞤱 𞥓𞥐 𞤶𞤵𞤳𞤮.
𞤉 𞤦𞤭𞤴𞤮𞤤 𞤊𞤢𞤴𞤢 𞤊𞤢𞤪𞤢𞤲𞤧𞤵𞤱𞤢 𞤄𞤵𞤪𞤵𞤲𞤮⹁ 𞤖𞤮𞥅𞤪𞤫𞥅𞤶𞤮 𞤃𞤢𞤥𞤢𞤣𞤭 𞤁𞤵𞤥𞤦𞤵𞤴𞤢 𞤤𞤢𞥄𞤩𞤼𞤭𞤲𞤭𞥅 𞤳𞤢𞤣𞤭 𞤱𞤮𞤲𞤣𞤫 𞤊𞤢𞤪𞤢𞤲 𞤘𞤭𞤲𞤫 𞤮𞤲 𞤳𞤮 𞤸𞤵𞥅𞤲𞤣𞤫 𞤼𞤭𞥅𞤯𞤵𞤲𞤣𞤫 𞤬𞤭𞥅 𞤪𞤫𞥅𞤲𞤵𞤺𞤮𞤤 𞤲𞤣𞤭𞤥𞤢𞥄𞤺𞤵 𞤲𞤺𞤢𞤤𞤵(souveraineté monétaire) 𞤫 𞤺𞤮𞤤𞥆𞤵𞤺𞤮𞤤 𞤫 𞤬𞤫𞥅𞤪𞤫 𞤩𞤢𞤥𞤼𞤢𞥄𞤪𞤫 𞤤𞤫𞤴𞤣𞤭 𞤲𞤣𞤭𞤲.
𞤖𞤢𞤱𞤼𞤢𞥄𞤲𞤣𞤭 𞤘𞤭𞤲𞤫 𞤲𞤮 𞤶𞤮𞤳𞥆𞤭 𞤫 𞤲𞤣𞤭𞤥𞤢𞥄𞤺𞤵 𞤥𞤵𞤥 𞤲𞤺𞤢𞤤𞤵 𞤬𞤭𞥅 𞤶𞤮𞤳𞥆𞤵𞤺𞤮𞤤 𞤼𞤢𞤰𞤵𞤣𞤫 𞤬𞤭𞥅 𞤶𞤢𞤲𞤺𞤮 𞤥𞤵𞤥 𞤲𞤺𞤢𞤤𞤵 𞤫 𞤲𞤣𞤫𞤪 𞤬𞤢𞤪𞤢𞤲 𞤘𞤭𞤲𞤫 𞤮𞤲⹁
𞤳𞤮 𞤲𞤭𞥅 𞤳𞤵𞤥𞤨𞤭𞤼𞤮𞥅𞤱𞤮 𞤤𞤢𞥄𞤥𞤵 𞤲𞤺𞤵𞤲 𞤬𞤭𞤪𞤭⹁ 𞤫 𞤲𞤣𞤫𞤪 𞤰𞤫𞤼𞥆𞤵𞤺𞤮𞤤 𞤳𞤮𞤲𞤺𞤵𞤯𞤭 𞤖𞤮𞥅𞤪𞤫𞥅𞤶𞤮 𞤁𞤵𞤥𞤦𞤵𞤴𞤢.
𞤉 𞤦𞤭𞤴𞤮𞤤 CEDEAO (𞤕𞤉𞤁𞤉𞤀𞤌)⹁ 𞤉𞤳𞤮 𞤳𞤮 𞤲𞤢𞥄𞤼𞤢𞤼𞤢 𞤼𞤮𞤲 𞤼𞤢𞤸𞤮 𞤳𞤮 𞤤𞤫𞤴𞤯𞤫 𞤥𞤢𞤪𞤯𞤫 𞤧𞤢𞤪𞤯𞤭𞥅𞤶𞤭 𞤨𞤮𞤼𞤢𞤤 𞤲𞤺𞤢𞤤𞤵⹁𞤫 𞤳𞤢𞤣𞤭 𞤲𞤣𞤭 𞤸𞤮𞤤𞥆𞤭𞤼𞤭 𞤸𞤭𞤲'𞤣𞤭 𞤸𞤫𞤦𞤤𞤢𞤲𞤭𞥅.
𞤇𞤢𞥄𞤱𞤮 𞤯𞤵𞤲 𞤦𞤢𞤤𞥆𞤫 𞤲𞤺𞤢𞤤𞤵 𞤸𞤭𞤲𞤮 𞤱𞤢𞤤𞥆𞤭𞤪𞤫𞥅 𞤤𞤫𞤧𞤯𞤫 𞤯𞤫 𞤸𞤫𞤦𞤤𞤢𞥄𞤳𞤭 𞤯𞤫𞤲⹁ 𞤬𞤭𞥅 𞤱𞤢𞤤𞥆𞤭𞤼𞤢𞤺𞤮𞤤 𞤴𞤮 𞤯𞤫 𞤼𞤢𞤱𞤼𞤭𞤪 𞤧𞤫𞥅𞤯𞤢-𞤧𞤫𞥅𞤯𞤢 𞤳𞤢 𞤳𞤢𞤱𞤼𞤭𞤼𞤫 𞤳𞤢𞥄𞤤𞤭𞤧𞤭.
