𞤑𞤮 𞤶𞤮𞤲𞤼𞤫 𞤧𞤫𞥅𞤯𞤢 𞤼𞤵𞤲 𞤸𞤫𞤣𞥆𞤭𞥅 𞤲𞤣𞤫 𞤳𞤮𞤯𞤮𞤼𞤮𞥅𞤩𞤫 𞤳𞤢𞥄𞤦𞤢(𞤸𞤢𞤶𞥆𞤮𞥅𞤩𞤫) 𞥒𞥐𞥒𞥕 𞤬𞤵𞤯𞥆𞤮𞤼𞤮𞥅 𞤴𞤢𞤸𞤣𞤫 𞤥𞤢𞤳𞥆𞤢 𞤲𞤺𞤢𞤥𞤵 𞤸𞤢𞤶𞥆𞤵𞤺𞤮𞤤⹁ 𞤳𞤮𞤲𞤮 𞤫 𞤲𞤺𞤢𞤤 𞤯𞤮𞥅 𞤤𞤢𞥄𞤥𞤵 𞤺𞤭𞤲𞤫 𞤲𞤺𞤵𞤲 𞤱𞤢𞤯𞤭𞥅 𞤸𞤢𞤶𞤭𞤲𞤣𞤢𞥄𞤲𞤺𞤮𞥅 𞤼𞤭𞥅𞤯𞤲𞤺𞤮 𞤱𞤮𞤲𞤢𞤲𞤣𞤫 𞤬𞤢𞥄𞤤𞤢𞥄𞤩𞤫 𞤸𞤢𞤶𞥆𞤮𞤴𞤣𞤫 𞤩𞤫𞤲:
𞤱𞤮𞤲𞤣𞤫 𞤳𞤮 𞤥𞤢𞤪𞤩𞤫 𞤴𞤢𞥄𞤲𞤢𞤤 𞤬𞤭𞥅 𞤳𞤮𞤯𞤵 𞤳𞤢𞥄𞤦𞤢⹁ 𞤫 𞤳𞤫𞤦𞥆𞤢𞤤 𞤳𞤢 𞤱𞤭𞤲𞤣𞤭𞥅 𞤯𞤮𞤲 𞤐𞤓𞤅𞤓𞤑 𞤼𞤵𞤲 𞤲𞤫𞤱𞤲𞤢𞤲𞤢𞥄 𞤴𞤮𞤼𞥆𞤢𞥄𞤣𞤫 𞤥𞤢𞤳𞥆𞤢. Visa
𞤑𞤮𞥅𞤤𞤢𞥄𞤯𞤮 𞤳𞤵𞥅𞤩𞤢𞤤 𞤳𞤢 𞤦𞤢𞤲𞤽𞤫 𞤣𞤭𞥅𞤲𞤢 𞤮𞤲 𞤲𞤺𞤮𞤯𞤭𞤳𞤫 𞤼𞤢𞥄𞤦𞤢𞤤 𞤲𞤺𞤢𞤤⹁ 𞤩𞤢𞥄𞤱𞤮 𞤮 𞤸𞤵𞤥𞤨𞤭𞤼𞤢𞥄𞤣𞤫⹁ 𞤯𞤵𞥅𞤯𞤵𞤩𞤫 𞤫 𞤺𞤭𞤲𞤫𞤲𞤢𞥄𞤩𞤫⹁ 𞤸𞤭𞤲𞤮 𞤫𞤼𞤢𞥄𞤣𞤫 𞤸𞤫𞤱𞤼𞤮𞤴𞤺𞤮𞤤 𞤥𞤢𞤳𞥆𞤢 𞤳𞤢 𞤲𞤮𞤳𞥆𞤵𞥅𞤪𞤫 𞤸𞤮𞤪𞤥𞤭𞤲𞤢𞥄𞤲𞤣𞤫 𞤱𞤮𞤲𞤣𞤵𞤣𞤫 𞤫 𞤴𞤢𞥄𞤲𞤢𞤲𞤣𞤫 𞤶𞤵𞥅𞤪𞤢𞤺𞤮𞤤⹁ 𞤥𞤢𞥄 𞤵𞤥𞤵𞤪𞤢⹁ visa tourisme ou oumra .
𞤉 𞤲𞤣𞤫𞤪 𞤳𞤮𞤤𞥆𞤭𞤼𞤢𞤤 𞤸𞤫𞥅𞤪𞤭𞥅𞤲𞤺𞤢𞤤⹁ 𞤤𞤢𞥄𞤥𞤵 𞤺𞤭𞤲𞤫 𞤲𞤺𞤵𞤲 𞤶𞤫𞤪𞤼𞤭𞤲𞤭𞥅 𞤸𞤵𞤤𞤩𞤭𞤲𞤭𞥅⹁ 𞤳𞤢𞤤𞤢 𞤥𞤮 𞤢𞤤𞤢𞥄 𞤳𞤢𞤴𞤣𞤭𞥅𞤶𞤭 𞤴𞤢𞥄𞤲𞤢𞤲𞤯𞤭𞤥𞤮 𞤸𞤢𞤶𞥆𞤵𞤺𞤮𞤤⹁ 𞤤𞤢𞥄𞤥𞤵 𞤧𞤢𞤱𞤣𞤭𞥅 𞤲𞤺𞤵𞤲 𞤴𞤭𞤤𞤼𞤢𞤴 𞤮𞤲𞤼𞤭𞤺𞤭 𞤳𞤢 𞤥𞤵𞤵𞤲. 𞤌 𞤬𞤢𞤱𞤫𞥅 𞤳𞤢𞤣𞤭 𞤯𞤫𞥅 𞤶𞤵𞤳𞥆𞤫 𞤯𞤮𞥅:
-𞤢𞤪𞤼𞤭𞤪𞤫𞥅𞤣𞤫 𞤳𞤭𞤧𞤢𞤲.
-𞤸𞤢𞤯𞤫𞤺𞤮𞤤 𞤥𞤮 𞤲𞤢𞥄𞤼𞤵𞤺𞤮𞤤 𞤫 𞤲𞤣𞤫𞤪 𞤤𞤫𞤴𞤣𞤭 𞤧𞤢𞤱𞤣𞤭𞥅 𞤲𞤣𞤭𞤲 𞤫 𞤲𞤣𞤫𞤪 𞤣𞤵𞥅𞤩𞤭 𞥕.
-𞤬𞤢𞤱𞤵𞤺𞤮𞤤 𞤶𞤵𞤳𞥆𞤮𞥅𞤶𞤫⹁ 𞤢𞥄𞤶𞤢𞤲𞤧𞤭 𞤱𞤮𞤴𞤢𞥄𞤶𞤭 𞤲𞤢𞤩𞤵𞤯𞤮𞤩𞤫 𞤮𞤲⹁ 𞤸𞤢𞤪𞤢 𞤲𞤣𞤵 𞤺𞤮𞤤𞥆𞤭𞤼𞤢𞤼𞤢𞥄 𞤬𞤭𞥅 𞤲𞤢𞤩𞤵𞤺𞤮𞤤 𞤸𞤢𞤶𞥆𞤮𞥅𞤩𞤫.
𞤔𞤢𞥄𞤺𞤮𞤪𞤢𞤤 𞤲𞤺𞤢𞤤 𞤸𞤭𞤲𞤮 𞤸𞤵𞤤𞤭 𞤱𞤮𞤲𞤣𞤫⹁ 𞤯𞤫𞤲 𞤺𞤮𞤤𞥆𞤫 𞤸𞤭𞤲𞤮 𞤱𞤢𞥄𞤱𞤭 𞤼𞤵𞥅𞤲𞤭𞤲𞤣𞤫 𞤤𞤫𞤴𞤣𞤭 𞤥𞤫𞤫𞤲 𞤲𞤣𞤭𞤲⹁ 𞤫 𞤲𞤣𞤫𞤪 𞤲𞤢𞤩𞤵𞤺𞤮𞤤 𞤥𞤢𞤩𞥆𞤫 𞤸𞤢𞤶𞥆𞤭𞤴𞤢𞤲𞤳𞤮𞥅𞤩𞤫 𞤩𞤫𞤲⹁ 𞤱𞤢𞤯𞤼𞤢𞤩𞤫 𞤩𞤫 𞤼𞤫𞤲𞤣𞤭𞤲𞤼𞤢𞥄 𞤧𞤢𞤪𞤭𞤴𞤢⹁𞤳𞤮 𞤯𞤵𞤲 𞤱𞤢𞤯𞤭 𞤮 𞤲𞤮𞤣𞥆𞤭𞥅 𞤢𞤪𞤣𞤭𞥅𞤯𞤮 𞤨𞤮𞤤𞤭𞥅𞤧𞤭 𞤱𞤫𞥅𞤴𞤮 𞤲𞤺𞤮𞤲⹁ 𞤫 𞤳𞤫𞥅𞤪𞤭 𞤯𞤭𞤲⹁ 𞤴𞤮 𞤼𞤭𞥅𞤯𞤭𞤲 𞤰𞤫𞤱𞤼𞤢𞤺𞤮𞤤 𞤥𞤢𞤩𞥆𞤫 𞤲𞤺𞤮𞤤⹁ 𞤲𞤺𞤢𞤥𞤵 𞤴𞤭𞤤𞤼𞤵𞤺𞤮𞤤 𞤯𞤢𞤲𞥆𞤮𞤼𞤮𞥅𞤩𞤫 𞤲𞤮 𞤸𞤢𞥄𞤲𞤭𞤪𞤢𞥄 𞤩𞤫𞤲.
𞤉 𞤳𞤭𞥅 𞤧𞤢𞥄𞤸𞤭 𞤯𞤮𞥅⹁ 𞤳𞤮 𞤶𞤮𞤺𞤭𞥅𞤩𞤫 𞤳𞤫𞤩𞥆𞤢𞤤 𞤳𞤢 𞤱𞤭𞤲𞤣𞤭𞥅 𞤯𞤮𞤲 𞤐𞤓𞤅𞤓𞤑⹁ 𞤸𞤮𞤤𞥆𞤵𞤲𞤺𞤢𞤤 𞤮𞤲𞤼𞤭𞤺𞤭 𞤸𞤭𞤲𞤮 𞤱𞤭𞤲𞤣𞤮𞤪𞤭 𞤲𞤮 𞤸𞤢𞥄𞤲𞤭𞤪𞤭 𞤬𞤭𞥅 𞤸𞤢𞤶𞥆𞤵⹁ 𞤱𞤢𞥄𞤱𞤮𞤴𞤼𞤢 𞤱𞤫𞥅𞤪𞤮𞤴𞤣𞤫 𞤳𞤢 𞤷𞤢𞥄𞤤𞤭𞥅𞤶𞤭 𞤥𞤭𞤲𞤢⹁ 𞤫 𞤳𞤮 𞤳𞤢𞤥𞤩𞤫 𞤼𞤵𞤲 𞤳𞤢𞤣𞤭⹁ 𞤱𞤫𞥅𞤪𞤲𞤮𞤴𞤼𞤫𞥅 𞤳𞤢 𞤷𞤵𞥅𞤯𞤭 𞤲𞤦𞤢𞤼𞤭𞤪𞤯𞤭 𞤸𞤢𞤶𞥆𞤵 𞤼𞤮𞤲.
