𞤉 𞤶𞤮𞤲𞤼𞤫 𞤬𞤫𞤰𞥆𞤵𞤯𞤫⹁ 𞤫 𞤐𞤣𞤫𞤪 𞤴𞤫𞤱𞤼𞤫𞤪𞤫 𞤲𞤣𞤫 𞤩𞤫 𞤱𞤢𞤯𞤣𞤭 𞤫 𞤸𞤫𞤧𞤤𞤮𞥅𞤱𞤮 𞤖𞤀𞤄𞤋𞥅𞤄𞤓 𞤒𞤉𞤃𞤄𞤉𞤈𞤉𞤐 𞤔𞤀𞤂𞥆𞤌⹁ 𞤳𞤢 𞤴𞤭𞥅𞤤𞤭𞤪𞤣𞤫 𞤺𞤭𞤲𞤫 𞤥𞤢𞤼𞤫𞤲⹁ 𞤫 𞤯𞤮𞤱𞤤𞤵 𞤱𞤫𞤲𞤺𞤢𞥄𞤲𞤺𞤵 𞤳𞤢 𞤤𞤮𞤱𞤪𞤫 𞤴𞤵𞥅𞤼𞤵𞤦 𞤥𞤢𞤩𞥆𞤫(𞤺𞤭𞤲𞤫 𞤥𞤢𞤼𞤫𞤲)⹁ 𞤕𞤫𞤪𞤲𞤮 𞤀𞤂𞤖𞤀𞤅𞤀𞥄𞤐𞤀 𞤅𞤌𞥅 𞤔𞤀𞥄𞤘𞤋𞤅𞤀𞥄⹁ 𞤩𞤵𞤪𞤩𞤫 𞤤𞤮𞤤𞥆𞤭𞤪𞤣𞤫 𞤓𞤅𞤚𞤀𞤅 𞤀𞤂𞤀𞤅𞤀𞤐𞤀 𞤑𞤌𞥅𞤂𞤌𞤃𞤀⹁ 𞤸𞤮𞤤𞥆𞤵𞤲𞤮 𞤯𞤮𞤲 𞤱𞤮𞤲𞤣𞤫 𞤢𞤣𞤤𞤢𞤥 𞤳𞤮 𞤢𞤥𞤫𞤪𞤭𞤳𞤭 𞤱𞤮𞤲𞤭 𞤳𞤮 𞤭𞤱𞤪𞤭⹁ 𞤼𞤢𞤱𞤭 𞤸𞤭𞤩𞤫 𞤴𞤫𞤱𞤼𞤢 𞤬𞤭𞥅 𞤱𞤢𞤴𞤤𞤵𞤺𞤮𞤤 𞤭𞤲𞤯𞤫 𞤳𞤮𞤯𞤮𞥅𞤤𞤭 𞤫 𞤲𞤣𞤫𞤪 𞤬𞤵𞥅𞤼𞤢 𞤥𞤢𞤤𞥆𞤢 𞤴𞤭𞤥𞤩𞤫 𞤱𞤢𞤯𞤼𞤢𞤯𞤭 𞤳𞤢 𞤢𞥄𞤪𞤢𞥄𞤦𞤵.
𞤇𞤫 𞤩𞤫𞤴𞤣𞤭𞤼𞤭 𞤱𞤮𞤲𞤣𞤫 𞤸𞤭𞤲𞤮 𞤱𞤢𞥄𞤱𞤢𞥄 𞤺𞤮𞤤𞥆𞤭𞤼𞤭𞤪𞤫𞥅𞤣𞤫 𞤳𞤢 𞤨𞤵𞤤𞤢𞥄𞤪⹁ 𞤳𞤮𞤲𞤮 𞤱𞤮𞤼𞤢 𞤱𞤭𞤴𞤫 𞤳𞤮 𞤳𞤢 𞤬𞤵𞤤𞤩𞤫 𞤩𞤫𞤲 𞤭𞤱𞤪𞤭.
𞤖𞤭𞤯𞤫𞤲 𞤢𞤲𞤣𞤭𞤲𞤼𞤭𞤲𞤢𞤩𞤫 𞤼𞤵𞤲⹁ 𞤱𞤮𞤲𞤣𞤫 𞤢𞤣𞤤𞤢𞤥 𞤳𞤮 𞤺𞤭𞤲𞤫 𞤱𞤮𞤲𞤭 𞤳𞤮 𞤬𞤵𞥅𞤬𞤢 𞤬𞤵𞤯𞤭⹁ 𞤤𞤢𞤴𞤭 𞤳𞤢𞤣𞤭 𞤫 𞤲𞤮𞤳𞥆𞤫𞥅𞤤𞤭 𞤯𞤵𞥅𞤯𞤵𞤯𞤭 𞤫 𞤲𞤣𞤫𞤪 𞤷𞤢𞤸𞤫 𞤺𞤭𞤲𞤫 𞤯𞤫𞤲⹁ 𞤧𞤭 𞤧𞤭𞤲𞤷𞤵𞤩𞤫 𞤯𞤭 𞤩𞤫𞤲 𞤯𞤢𞤼𞤲𞤭𞥅 𞤴𞤢𞤸𞤪𞤭 𞤢𞤥𞤫𞤪𞤭𞤳𞤭 𞤲𞤺𞤢𞤥𞤵 𞤩𞤫𞤴𞤣𞤫𞤪𞤫 𞤺𞤢𞤲𞤣𞤢𞤤.
𞤑𞤮 𞤬𞤵𞤤𞤩𞤫 𞤩𞤭𞥅 𞤬𞤵𞤤𞤩𞤫 𞤱𞤮𞤲𞤭 𞤳𞤮 𞤧𞤭𞤲𞤷𞤭𞤯𞤭 𞤫 𞤲𞤣𞤫𞤪 𞤧𞤢𞤸𞤪𞤫 𞤶𞤫𞤪𞤫𞤳𞤮𞤪𞤫 𞤳𞤢 𞤸𞤭𞤼𞤢𞥄𞤲𞤣𞤫 𞥑𞥙𞥘𞥙. 𞤩𞤫 𞤭𞤱𞤣𞤭 𞤥𞤵𞤲 𞤱𞤮𞤲𞤭 𞤥𞤢𞥄𞤥𞤵𞤲.
𞤑𞤢𞤤𞤢 𞤶𞤭𞤲𞤺𞤢𞤲𞤮𞥅𞤱𞤮 𞤺𞤮𞥅𞤲𞤺𞤢 𞤴𞤫𞤣𞥆𞤢𞥄𞤤𞤭 𞤳𞤢𞤲 𞤼𞤢𞥄𞤪𞤭𞥅𞤳𞤢 𞤧𞤢𞤦𞤵 𞤧𞤫𞥅𞤣𞤫𞥅𞤩𞤫 𞤥𞤵𞤲 𞤸𞤭𞤲𞤮 𞤱𞤮𞥅𞤣𞤭 𞤳𞤮 𞤤𞤢𞤲𞥆𞤢𞤼𞤢𞥄⹁ 𞤧𞤭 𞤼𞤢𞤱𞤭𞥅 𞤸𞤭𞤩𞤫 𞤸𞤵𞤼𞤭𞥅 𞤲𞤺𞤮𞤤 𞤨𞤫𞤰𞥆𞤮𞤤 𞤴𞤮 𞤩𞤫 𞤩𞤫𞤴𞤣𞤵 𞤼𞤫𞤬𞤵𞤺𞤮𞤤 𞤯𞤢𞤩𞥆𞤭𞤼𞤢 𞤬𞤭𞥅 𞤴𞤭𞥅𞤼𞤵𞤬𞤮𞤤 𞤺𞤮𞥅𞤲𞤺𞤢⹁ 𞤳𞤮𞤲𞤮 𞤱𞤢𞤼𞤢 𞤩𞤫 𞤸𞤮𞤼𞥆𞤮 𞤩𞤫 𞤱𞤮𞤱𞤤𞤢⹁ 𞤥𞤢𞤤𞥆𞤢 𞤩𞤫 𞤴𞤫𞤱𞤼𞤢 𞤲𞤢𞤲𞤭-𞤲𞤢𞤲𞤭.
𞤁𞤫𞤬𞤼𞤫 𞤱𞤭𞤲𞤣𞤭𞤪𞤢𞥄𞤯𞤫 𞤶𞤵𞥅𞤯𞤫 𞤬𞤫𞤱𞤲𞤣𞤮 𞤩𞤫 𞤧𞤭𞤲𞤷𞤵𞤲𞤮𞥅𞤯𞤭 𞤼𞤵𞤲⹁ 𞤳𞤢𞤻𞤵𞤲 𞤫 𞤲𞤢𞤼𞤫 𞤥𞤢𞤩𞥆𞤫 𞤸𞤭𞤲𞤮 𞤧𞤫𞥅𞤣𞤭𞤲𞤼𞤭𞤲𞤭 𞤯𞤵𞤲.
𞤸𞤭𞤲𞤮 𞤱𞤮𞥅𞤣𞤭 𞤦𞤵𞤴 𞤳𞤢𞤣𞤭 𞤶𞤮𞤳𞥆𞤵𞤩𞤫 𞤢𞤣𞤤𞤢𞤥 𞤲𞤭𞥅𞤲𞤭 𞤳𞤮 𞤬𞤵𞤯𞥆𞤭𞤲𞤮𞥅𞤩𞤫 𞤼𞤢𞤱𞤭 𞤧𞤭𞤲𞤷𞤵𞤩𞤫 𞤩𞤫𞤲 𞤴𞤢𞤸𞤢𞥄𞤤𞤭 𞤢𞤥𞤫𞤪𞤭𞤳𞤭⹁ 𞤯𞤵𞤲 𞤱𞤢𞤲𞤮 𞤢𞤤𞤢𞤶𞥆𞤭 𞤥𞤢𞤥𞥆𞤢𞤣𞤵 𞤶𞤢𞤥⹁ 𞤕𞤫𞤪𞤲𞤮 𞤶𞤢𞥄𞤬𞤢𞤪𞤵 𞤫 𞤳𞤲𞤯... 𞤇𞤫 𞤤𞤭𞤥𞤼𞤮𞤼𞤢𞥄𞤳𞤮⹁ 𞤴𞤮 𞤩𞤫 𞤩𞤢𞤣𞤼𞤮 𞤩𞤫𞤲 𞤯𞤮𞤲 𞤩𞤵𞤪𞤼𞤢𞤴𞤩𞤫 𞤬𞤢𞤤𞤼𞤵𞤣𞤫⹁ 𞤸𞤮𞤤𞥆𞤢𞤩𞤫 𞤳𞤢𞤣𞤭 𞤧𞤫𞥅𞤣𞤫𞥅𞤶𞤭 𞤥𞤵𞤲.
𞤚𞤢𞥄𞤪𞤭𞥅𞤳𞤢 𞤢𞤣𞤤𞤢𞤥 𞤥𞤫𞤼𞥆𞤢𞥄 𞤴𞤭𞥅𞤼𞤵𞤣𞤫 𞤧𞤢𞤦𞤵 𞤳𞤮 𞤱𞤵𞥅𞤪𞤭𞤣𞤢𞥄𞤩𞤫 𞤷𞤭𞤲𞤷𞤭𞤯𞤭⹁ 𞤩𞤫 𞤥𞤢𞤱𞤩𞤫 𞤥𞤵𞤲 𞤳𞤢𞤣𞤭 𞤢𞤲𞤣𞤢𞥄 𞤳𞤢 𞤱𞤮𞤲𞤭⹁ 𞤳𞤢 𞤯𞤭 𞤷𞤭𞤲𞤷𞤢𞥄 𞤯𞤮𞤲 𞤳𞤢𞤣𞤭 𞤸𞤭𞤩𞤫 𞤥𞤢𞤪𞤭 𞤳𞤢𞤱𞤼𞤫 𞤶𞤢𞤲𞤺𞤵𞤲𞤮𞥅𞤩𞤫 𞤬𞤫𞤫𞤲𞤣𞤮 𞤮𞤲𞤼𞤵𞤥𞤢 𞤦𞤭𞤲𞤣𞤭 𞤯𞤭𞤲⹁ 𞤸𞤢𞤪𞤢 𞤸𞤭𞤩𞤫 𞤱𞤵𞥅𞤪𞤭.
𞤅𞤭 𞤼𞤢𞤱𞤭𞥅 𞤲𞤮𞤲 𞤳𞤮 𞤬𞤭𞥅 𞤢𞤣𞤤𞤢𞤥 𞤳𞤮 𞤩𞤵𞤪𞤭 𞤸𞤫𞤩𞤵𞤣𞤫 𞤣𞤮𞥅𞤤𞤫 𞤢𞤲𞤣𞤫𞥅 𞤼𞤢𞤱𞤭 𞤯𞤭 𞤲𞤢𞥄𞤣𞤢𞥄𞤥𞤢 𞤳𞤮 𞤢𞤤𞤢𞥄𞤶𞤭 𞤸𞤵𞥅𞤼𞤮𞤪𞤯𞤭 𞤱𞤢𞤲𞤮 𞤫𞤱𞤲𞤮𞤪𞤯𞤫 𞤫 𞤬𞤮𞥅𞤺𞤭𞤪𞤯𞤫 𞤩𞤫 𞤱𞤭𞤴𞤭𞤪𞤭 𞤳𞤮 𞤢𞤥𞤫𞤪𞤭𞤳𞤭 𞤯𞤭 𞤭𞤱𞤪𞤭⁏ 𞤸𞤢𞤪𞤢𞤴 𞤳𞤮 𞤳𞤢𞤥𞤩𞤫 𞤬𞤢𞤸𞤥𞤭𞤪𞤭 𞤲𞤮𞤲⹁
𞤯𞤮𞤲 𞤳𞤢𞤣𞤭 𞤸𞤢𞤪𞤢𞤴 𞤩𞤫 𞤭𞤲𞥆𞤢𞤴 𞤳𞤢𞤤𞤢 𞤦𞤭𞤲𞤣𞤮𞤤 𞤱𞤮𞤲𞤢𞥄 𞤲𞤺𞤮𞤤 𞤸𞤵𞥅𞤼𞤮𞤪𞤫𞥅𞤣𞤫 𞤳𞤢 𞤱𞤢𞤲𞤮: 𞤢𞤲𞤣𞤪𞤮𞤴𞤭𞤣⹁ 𞤱𞤭𞤲𞤣𞤮𞥅𞤧𞤵⹁ 𞤫 𞤳𞤢 𞤢𞥄𞤨𞤵𞤤 𞤸𞤢𞤪𞤢𞤴 𞤳𞤮 𞤢𞤥𞤫𞤪𞤭𞤳𞤭 𞤭𞤱𞤪𞤭 𞤧𞤢𞤦𞤵 𞤳𞤮 𞤳𞤢𞤥𞤩𞤫 𞤼𞤢𞤬𞤭 𞤯𞤭𞤲 𞤢𞥄𞤤𞤢𞥄𞤶𞤭 𞤯𞤭𞤲.𞤄𞤭𞤲𞤣𞤮𞤤 𞤳𞤢𞤣𞤭 𞤱𞤢𞥄𞤱𞤫𞤼𞤢𞥄𞤳𞤫 𞤸𞤵𞥅𞤼𞤮𞤪𞤫𞥅𞤣𞤫 𞤳𞤢 𞤢𞤤𞤢𞥄𞤶𞤭 𞤸𞤢𞤪𞤢 𞤲𞤺𞤮𞤤 𞤴𞤵𞤩𞥆𞤢𞥄𞤳𞤢 𞤫 𞤤𞤮𞥅𞤲𞤣𞤫 𞤲𞤶𞤵𞤩𞥆𞤵𞤣𞤭 𞤴𞤵𞤲𞤭𞤳𞤮𞤣⹁ 𞤲𞤣𞤫𞤲 𞤯𞤮𞤲 𞤳𞤢𞤣𞤭 𞤳𞤮 𞤢𞤥𞤫𞤪𞤭𞤳𞤭 𞤶𞤮𞥅𞤯𞤭𞥅⹁ 𞤳𞤮 𞤯𞤵𞤲 𞤸𞤮𞤤𞥆𞤭 𞤢𞤱𞤢 𞤦𞤭𞤲𞤣𞤭 𞤢𞤣𞤵𞤲𞤢 𞤯𞤭𞤲 𞤬𞤮𞤱 𞤳𞤮 𞤢𞤥𞤫𞤪𞤭𞤳𞤭 𞤭𞤱𞤪𞤭 𞤧𞤭 𞤳𞤮 𞤯𞤵𞤲.
𞤖𞤢𞤴 𞤢𞥄𞤪𞤢𞤦𞤵 𞤥𞤮 𞤩𞤫 𞤶𞤭𞤲𞤺𞤢𞤲𞤭 𞤯𞤭𞤲 𞤧𞤢𞤦𞤵 𞤧𞤭 𞤢𞤥𞤫𞤪𞤭𞤳𞤭𞤲𞤢𞥄𞤩𞤫 𞤩𞤫𞤲 𞤴𞤮𞤱𞤼𞤭𞥅𞤯𞤭 𞤳𞤢 𞤢𞤤𞤢𞥄𞤶𞤭 𞤥𞤵𞤲 𞤩𞤫 𞤱𞤢𞥄𞤱𞤢𞤼𞤢𞥄 𞤸𞤵𞥅𞤼𞤮𞤪𞤣𞤫 𞤯𞤭 𞤳𞤢𞤣𞤭 𞤳𞤢 𞤬𞤮𞥅𞤺𞤭𞤪𞤯𞤫 𞤫 𞤲𞤣𞤫𞤪 𞤺𞤭𞤲𞤫 𞤯𞤮𞥅 𞤧𞤭 𞤱𞤮𞤲𞤢𞥄 𞤶𞤵𞥅𞤯𞤫 𞤯𞤫𞤲 𞤩𞤫 𞤱𞤭𞤲𞤣𞤭𞤪𞤭.
𞤉𞤲 𞤢𞤲𞤣𞤭𞤲𞤼𞤭𞤲𞤢𞤴 𞤩𞤫 𞤼𞤵𞤲 𞤢𞤣𞤤𞤢𞤥 𞤱𞤮𞤲𞤢𞥄 𞤤𞤭𞤣𞥆𞤵 𞤢𞥄𞤪𞤢𞤦𞤵 𞤧𞤭𞤲𞤷𞤭𞤪𞤢𞥄⹁ 𞤳𞤮 𞤯𞤭 𞤧𞤭𞤲𞤷𞤭𞤪𞤢𞥄 𞤳𞤮 𞤬𞤭𞥅 𞤩𞤢𞤲𞤼𞤢𞤤 𞤯𞤫𞤲𞤺𞤢𞤤 𞤨𞤵𞤤𞤢𞥄𞤪 𞤳𞤮 𞤳𞤢𞤥𞤩𞤫 𞤼𞤭𞤺𞤭 𞤩𞤫 𞤦𞤢𞤥𞤦𞤢𞤲𞤭.
𞤊𞤭𞥅 𞤴𞤮 𞤯𞤫𞤲𞤺𞤢𞤤 𞤨𞤵𞤤𞤢𞥄𞤪 𞤲𞤺𞤢𞤤 𞤱𞤭𞤲𞤣𞤫 𞤶𞤢𞤲𞤺𞤫𞥅 𞤫 𞤲𞤮 𞤸𞤢𞥄𞤲𞤭𞤪𞤭 𞤸𞤢𞤪𞤢 𞤲𞤺𞤢𞤤 𞤶𞤭𞤤𞥆𞤢𞥄𞤳𞤢 𞤳𞤮 𞤬𞤫𞤰𞥆𞤭𞤼𞤭⹁ 𞤭𞤼𞥆𞤢 𞤴𞤮𞤺𞤢 𞤳𞤮𞤲𞤺𞤵𞤯𞤭 𞤤𞤵𞤩𞤢𞥄𞤯𞤭 𞤸𞤢𞤪𞤢 𞤨𞤵𞤤𞤢𞥄𞤪 𞤲𞤺𞤢𞤤 𞤸𞤭𞤲𞤮 𞤥𞤢𞤪𞤢𞤲𞤭 𞤸𞤮𞥅𞤪𞤫 𞤥𞤵𞤲 𞤲𞤺𞤮𞤤 𞤳𞤮𞤲𞤺𞤮𞤤 𞤯𞤮𞤲⹁ 𞤸𞤢𞤴 𞤲𞤮𞤲 𞤧𞤭 𞤼𞤢𞤱𞤭𞥅 𞤲𞤺𞤮𞤤 𞤳𞤮𞤲𞤺𞤮𞤤 𞤤𞤵𞤩𞤢𞥄 𞤲𞤺𞤮𞤤 𞤳𞤮 𞤫 𞤢𞥄𞤪𞤢𞤦𞤵 𞤤𞤵𞤩𞤢𞥄.
𞤉 𞤫𞤺𞥆𞤵𞤺𞤮𞤤 𞤺𞤢𞤲𞤣𞤫 𞤯𞤫𞤲 𞤢𞤪𞤼𞤭𞤪𞤢 𞤳𞤢 𞤨𞤵𞤤𞤢𞥄𞤪 𞤬𞤭𞥅 𞤴𞤮 𞤶𞤢𞤲𞤺𞤲𞤣𞤫 𞤲𞤣𞤫𞤲 𞤲𞤫𞤱𞤢𞤲𞤮 𞤸𞤢𞥄𞤤𞤭 𞤨𞤵𞤤𞤢𞥄𞤪.
𞤃𞤭 𞤱𞤭𞤲𞤣𞤭𞤪𞤢𞥄𞤤𞤭 𞤲𞤣𞤫𞥅 𞤱𞤭𞤲𞤣𞤢𞤲𞤣𞤫 𞤴𞤢𞤱𞤢𞤺𞤮𞤤𞤩𞤫 𞤧𞤢𞤦𞤵 𞤳𞤮 𞤩𞤫 𞤽𞤢𞤲𞤢𞥄 𞤬𞤭𞥅 𞤩𞤢𞤲𞤼𞤢𞤤 𞤨𞤵𞤤𞤢𞥄𞤳𞤵 𞤳𞤮 𞤩𞤫 𞤴𞤭𞤯𞤢𞥄 𞤦𞤭𞤲𞤣𞤭 𞤢𞤣𞤤𞤢𞤥 𞤯𞤭𞤲.
𞤑𞤮𞤲𞤮 𞤬𞤭𞥅 𞤩𞤫 𞤴𞤭𞤯𞤢𞥄 𞤯𞤵𞤲 𞤱𞤮𞤼𞤢 𞤱𞤢𞤯𞤵 𞤸𞤢𞥄 𞤩𞤫 𞤬𞤫𞤬𞤭𞤲𞤣𞤮𞥅 𞤫 𞤸𞤮𞥅𞤪𞤫 𞤢𞤣𞤤𞤢𞤥 𞤸𞤵𞥅𞤲𞤣𞤫 𞤲𞤣𞤫 𞤧𞤫𞤤𞥆𞤢𞥄.
𞤔𞤉𞤐𞥆𞤉 𞤁𞤌𞤘𞤓𞤅𞤀𞤂𞤋.
𞤏𞤮𞤱𞤤𞤵𞤺𞤮 𞤳𞤮 𞤸𞤵𞤥𞤨𞤭𞤼𞤢𞥄𞤳𞤭 𞤥𞤮𞤰𞥆𞤢𞤲𞤢𞥄 𞤸𞤢𞤴 𞤨𞤢𞤴𞤳𞤵𞤲⹁ 𞤲𞤢𞥄𞤬𞤫𞤪𞤫 𞤺𞤮𞤪𞤳𞤮 𞤥𞤢𞤱𞤯𞤮 𞤼𞤮𞥅𞤱𞤢 𞤣𞤵𞥅𞤩𞤭𞥅𞤶𞤮. 𞤍𞤵𞤲 𞤲𞤮 𞤶𞤫𞤴𞤢𞥄 𞤫 𞤥𞤢𞥄𞤤𞤫 𞤴𞤭𞤯𞤵𞤺𞤮𞤤 𞤬𞤫𞤲𞤢𞥄𞤲𞤣𞤫. 𞤺𞤮𞤼𞤯𞤮 𞤳𞤢𞤤𞤢 𞤳𞤮 𞤮𞤲𞤼𞤭𞤺𞤭 𞤱𞤮𞤱𞤤𞤢𞤼𞤢𞥄⹁ 𞤴𞤮 𞤮𞤲𞤼𞤭𞤺𞤭 𞤼𞤫𞤬𞤵 𞤸𞤢𞥄 𞤸𞤫𞤩𞤢 𞤳𞤮 𞤤𞤢𞥄𞤩𞤭 𞤧𞤭 𞤱𞤮𞤱𞤤𞤢⹁ 𞤸𞤢𞤪𞤢 𞤱𞤮𞤲𞤢 𞤼𞤢𞤰𞤵𞤺𞤮𞤤 𞤼𞤵𞤲 𞤤𞤭𞤩𞤢⹁ 𞤳𞤮 𞤯𞤵𞤲 𞤩𞤵𞤪𞤭 𞤥𞤮𞤰𞥆𞤵𞤺𞤮𞤤 𞤳𞤮 𞤯𞤵𞤲 𞤩𞤵𞤪𞤭 𞤤𞤢𞤦𞤫𞥅𞤣𞤫.
𞤃𞤭 𞤫 𞤬𞤢𞥄𞤥𞤵 𞤢𞤲. 𞤩𞤫 𞤴𞤫𞤱𞤼𞤭𞥅 𞤳𞤮 𞤩𞤫 𞤢𞤲𞤣𞤢𞥄 𞤬𞤭𞥅 𞤥𞤵𞥅𞤯𞤵𞤲⹁ 𞤳𞤮 𞤱𞤮𞤲𞤭 𞤦𞤭𞤲𞤣𞤭𞤯𞤭𞤲 𞤲𞤮 𞤲𞤭𞤩𞥆𞤭𞤼𞤢𞤲𞤭𞤩𞤫⹁ 𞤩𞤫 𞤢𞤲𞤣𞤢𞥄 𞤲𞤮𞤯𞤭 𞤸𞤫𞤩𞤮𞤪𞤭⹁ 𞤩𞤫 𞤢𞤲𞤣𞤢𞥄 𞤲𞤮𞤯𞤭 𞤱𞤭𞤲𞤣𞤮𞤪𞤭⹁ 𞤳𞤢 𞤼𞤭𞤺𞤭−𞤼𞤭𞤺𞤭𞤮𞤲 𞤩𞤫 𞤢𞤲𞤣𞤢𞥄 𞤀𞤁𞤂𞤀𞤃.
𞤏𞤢𞤼𞤢 𞤺𞤮𞥅𞤼𞤮 𞤬𞤫𞤤𞤵𞤩𞤫 𞤨𞤢𞤲𞤣𞤭⹁ 𞤧𞤢𞤦𞤵 𞤧𞤭𞤩𞤫 𞤸𞤵𞤲𞤨𞤭𞤼𞤭𞤳𞤫 𞤬𞤭𞥅 𞤢𞤣𞤤𞤢𞤥⹁ 𞤥𞤭𞤧𞤫𞤣𞤲𞤭𞥅 𞤀𞤤𞤤𞤢 𞤩𞤫 𞤣𞤢𞤪𞤢𞤲𞤼𞤮 𞤀𞤣𞤤𞤢𞤥.
𞤃𞤭 𞤫 𞤬𞤢𞥄𞤥𞤵 𞤢𞤲. 𞤩𞤫 𞤴𞤫𞤱𞤼𞤭𞥅 𞤳𞤮 𞤩𞤫 𞤢𞤲𞤣𞤢𞥄 𞤬𞤭𞥅 𞤥𞤵𞥅𞤯𞤵𞤲⹁ 𞤳𞤮 𞤱𞤮𞤲𞤭 𞤦𞤭𞤲𞤣𞤭𞤯𞤭𞤲 𞤲𞤮 𞤲𞤭𞤩𞥆𞤭𞤼𞤢𞤲𞤭𞤩𞤫⹁ 𞤩𞤫 𞤢𞤲𞤣𞤢𞥄 𞤲𞤮𞤯𞤭 𞤸𞤫𞤩𞤮𞤪𞤭⹁ 𞤩𞤫 𞤢𞤲𞤣𞤢𞥄 𞤲𞤮𞤯𞤭 𞤱𞤭𞤲𞤣𞤮𞤪𞤭⹁ 𞤳𞤢 𞤼𞤭𞤺𞤭−𞤼𞤭𞤺𞤭𞤮𞤲 𞤩𞤫 𞤢𞤲𞤣𞤢𞥄 𞤀𞤁𞤂𞤀𞤃.
𞤏𞤢𞤼𞤢 𞤺𞤮𞥅𞤼𞤮 𞤬𞤫𞤤𞤵𞤩𞤫 𞤨𞤢𞤲𞤣𞤭⹁ 𞤧𞤢𞤦𞤵 𞤧𞤭𞤩𞤫 𞤸𞤵𞤲𞤨𞤭𞤼𞤭𞤳𞤫 𞤬𞤭𞥅 𞤢𞤣𞤤𞤢𞤥⹁ 𞤥𞤭𞤧𞤫𞤣𞤲𞤭𞥅 𞤀𞤤𞤤𞤢 𞤩𞤫 𞤣𞤢𞤪𞤢𞤲𞤼𞤮 𞤀𞤣𞤤𞤢𞤥.
𞤋𞤧𞤳𞤭𞤲 𞤥𞤮𞤲 𞤷𞤫𞤪𞤲𞤮𞥅𞤩𞤫 𞤴𞤫𞤱𞤼𞤪𞤫 𞤲𞤣𞤫𞤲 𞤲𞤢𞤲𞤭𞤳𞤫 𞤲𞤮 𞤧𞤫𞤤𞥆𞤭𞤪𞤭 𞤮𞤲 𞤱𞤫𞤤𞤼𞤢𞤲𞤢𞥄𞤥𞤢 𞤬𞤮𞤼𞤢 𞤲𞤮𞤲
𞤋𞤧𞤳𞤭𞤲 𞤥𞤮𞤲 𞤷𞤫𞤪𞤲𞤮𞥅𞤩𞤫 𞤴𞤫𞤱𞤼𞤪𞤫 𞤲𞤣𞤫𞤲 𞤲𞤢𞤲𞤭𞤳𞤫 𞤲𞤮 𞤧𞤫𞤤𞥆𞤭𞤪𞤭 𞤮𞤲 𞤱𞤫𞤤𞤼𞤢𞤲𞤢𞥄𞤥𞤢 𞤬𞤮𞤼𞤢 𞤲𞤮𞤲
𞤋𞤧𞤳𞤭𞤲 𞤥𞤮𞤲 𞤷𞤫𞤪𞤲𞤮𞥅𞤩𞤫 𞤴𞤫𞤱𞤼𞤪𞤫 𞤲𞤣𞤫𞤲 𞤲𞤢𞤲𞤭𞤳𞤫 𞤲𞤮 𞤧𞤫𞤤𞥆𞤭𞤪𞤭 𞤮𞤲 𞤱𞤫𞤤𞤼𞤢𞤲𞤢𞥄𞤥𞤢 𞤬𞤮𞤼𞤢 𞤲𞤮𞤲
𞤋𞤧𞤳𞤭𞤲 𞤥𞤮𞤲⹁𞤥𞤮 𞤣𞤢𞤪𞤭𞤳𞤫 𞤸𞤢𞥄 𞤬𞤫𞥅𞤱𞤭 𞤮𞥊 𞤽𞤢𞥄𞤩𞤭 𞤸𞤵𞤲𞤣𞤵𞤳𞤮 𞤥𞤢𞤳𞥆𞤮 𞤳𞤮𞤲 𞤸𞤢𞥄 𞤸𞤢𞤼𞤭 𞤼𞤢𞤱𞤭 𞤢𞤤𞤢𞥄 𞤳𞤮 𞤱𞤮𞤱𞤤𞤢 𞤧𞤭𞤲𞤢𞥄 𞤧𞤫𞥅𞤣𞤭𞤣𞤢𞤺𞤮𞤤
𞤉𞤲 𞤪𞤵𞤼𞤢𞤴 𞤥𞤮 𞤸𞤮𞥅𞤪𞤫 𞤣𞤫𞤣𞤵𞤺𞤢𞤤.
𞤋𞤧𞤳𞤭𞤲 𞤥𞤮𞤲⹁𞤥𞤮 𞤣𞤢𞤪𞤭𞤳𞤫 𞤸𞤢𞥄 𞤬𞤫𞥅𞤱𞤭 𞤮𞥊 𞤽𞤢𞥄𞤩𞤭 𞤸𞤵𞤲𞤣𞤵𞤳𞤮 𞤥𞤢𞤳𞥆𞤮 𞤳𞤮𞤲 𞤸𞤢𞥄 𞤸𞤢𞤼𞤭 𞤼𞤢𞤱𞤭 𞤢𞤤𞤢𞥄 𞤳𞤮 𞤱𞤮𞤱𞤤𞤢 𞤧𞤭𞤲𞤢𞥄 𞤧𞤫𞥅𞤣𞤭𞤣𞤢𞤺𞤮𞤤
𞤉𞤲 𞤪𞤵𞤼𞤢𞤴 𞤥𞤮 𞤸𞤮𞥅𞤪𞤫 𞤣𞤫𞤣𞤵𞤺𞤢𞤤.