𞤅𞤋𞤃𞤀𞤐𞤁𞤓 𞥒𞥐𞥔𞥐 𞤳𞤮 𞤫𞤩𞥆𞤮𞥅𞤪𞤫 𞤥𞤢𞤱𞤲𞤣𞤫 𞤲𞤺𞤢𞤥𞤵 𞤩𞤢𞤽𞤼𞤢𞤤 𞤺𞤭𞤲𞤫.
𞤇𞤫 𞤸𞤵𞥅𞤼𞤮𞤪𞤢𞤴 𞤲𞤺𞤢𞤤𞤵 𞤬𞤫𞤤𞥆𞤮 𞤲𞤺𞤮𞤲⹁(𞤼𞤫𞤲𞤼𞤭𞤲𞤭𞥅 𞤲𞤶𞤢𞤲𞤯𞤫 𞤯𞤫𞤲) 𞤬𞤭𞥅 𞤲𞤫𞤱𞤭𞤲𞤺𞤮𞤤 𞤲𞤺𞤵𞥅𞤪𞤲𞤣𞤢𞤲 𞤩𞤭𞤩𞥆𞤫 𞤺𞤭𞤲𞤫 𞤩𞤫𞤲.
𞤊𞤢𞥄𞤲𞤣𞤢𞥄𞤪𞤫 𞤲𞤣𞤫𞤲 𞤳𞤮 𞤴𞤮 𞤺𞤭𞤲𞤫𞤲𞤢𞥄𞤩𞤫 𞤩𞤫𞤲 𞤬𞤮𞤱 𞤴𞤮 𞤲𞤢𞤬𞤭𞤼𞤮𞤪 𞤲𞤣𞤫𞥅 𞤯𞤮𞥅 𞤫𞤩𞥆𞤮𞥅𞤪𞤫⹁ 𞤸𞤢𞤪𞤢 𞤱𞤮𞤲𞤢𞥄 𞤧𞤫𞥅𞤯𞤢𞥄𞤩𞤫 𞤼𞤵𞤲.
𞤐𞤣𞤫𞥅 𞤫𞤩𞥆𞤮𞥅𞤪𞤫 𞤲𞤮𞤲 𞤸𞤭𞤲𞤮 𞤥𞤢𞤪𞤭 𞤣𞤢𞤰𞥆𞤫 𞥕 𞤥𞤢𞤱𞤯𞤫.
𞥑- 𞤈𞤫𞤥𞤪𞤵⹁ 𞤼𞤢𞤬𞤳𞤢𞤪𞤤𞤭 𞤻𞤢𞥄𞤥𞤤𞤭⹁ 𞤉 𞤲𞤺𞤫𞥅𞤴𞤲𞤺𞤵:
𞤍𞤵𞤲 𞤬𞤭𞤪𞤼𞤭 𞤩𞤢𞤲𞤼𞤵𞤺𞤮𞤤 𞤣𞤫𞤥𞤢𞤤 𞤲𞤺𞤢𞤤⹁𞤬𞤭𞥅 𞤲𞤮 𞤩𞤭𞤩𞥆𞤫 𞤺𞤭𞤲𞤫 𞤩𞤫𞤲 𞤻𞤢𞥄𞤥𞤭𞤪𞤢 𞤸𞤢𞥄 𞤸𞤢𞥄𞤪𞤢 𞤸𞤢𞤪𞤢 𞤩𞤫 𞤱𞤫𞥅𞤤𞤢𞥄𞤳𞤢.
- 𞤇𞤫 𞤧𞤭𞤲𞤷𞤢 𞤲𞤦𞤢𞤴𞤤𞤭𞤪𞤯𞤭⹁ 𞤳𞤮 𞤱𞤢𞤴𞤤𞤢 𞤻𞤢𞥄𞤥𞤫𞤼𞤫𞥅𞤶𞤭 𞤪𞤫𞤥𞤫𞤼𞤫𞥅𞤯𞤭 𞤯𞤭𞤲 𞤳𞤢 𞤥𞤫𞤫𞤲⹁ 𞤱𞤢𞤲𞤮: (𞤃𞤢𞥄𞤪𞤮⹁ 𞤳𞤢𞥄𞤦𞤢⹁ 𞤦𞤢𞤲𞤼𞤢𞤪𞤢⹁ 𞤨𞤵𞤼𞤫𞥅⹁ 𞤫𞤳𞤲𞤯...)
𞤏𞤢𞤤𞥆𞤭𞤼𞤮𞥅 𞤲𞤺𞤫𞥅𞤴𞤲𞤺𞤵 𞤲𞤺𞤵𞤲 𞤳𞤢 𞤤𞤵𞥅𞤥𞤮𞥅𞤶𞤭 𞤥𞤫𞤫𞤲⹁𞤫 𞤳𞤢 𞤶𞤢𞤲𞤢𞤲𞤭𞤪𞤭⹁ 𞤬𞤭𞥅 𞤴𞤫𞥅𞤴𞤵𞤺𞤮𞤤 𞤧𞤮𞤻𞤢𞤼𞤫𞥅𞤪𞤭 𞤲𞤣𞤭𞤲.
𞥒- 𞤐𞤫𞤸𞤣𞤭 𞤫 𞤷𞤮𞤧𞤢𞥄𞤲𞤫:
𞤍𞤵𞤲 𞤬𞤭𞤪𞤼𞤭⹁ 𞤍𞤵𞤯𞥆𞤭𞤲𞤺𞤮𞤤 𞤣𞤢𞤪𞤲𞤵𞤺𞤮𞤤 𞤣𞤵𞤯𞤫 𞤫 𞤩𞤵𞤪𞤼𞤢 𞤼𞤢𞤥𞤦𞤭𞤼𞤢𞤺𞤮𞤤 𞤬𞤭𞥅 𞤶𞤢𞤲𞤺𞤲𞤣𞤫 𞤲𞤣𞤫𞤲.
- 𞤉𞤤𞤼𞤵𞤺𞤮𞤤 𞤧𞤵𞤳𞤢𞥄𞤩𞤫 𞤫 𞤰𞤢𞤰𞥆𞤵𞤪𞤥𞤢𞥄𞤩𞤫 𞤫 𞤥𞤫𞤷𞥆𞤫𞥅𞤶𞤭 𞤸𞤢𞤼𞤮𞤲𞤶𞤭𞤲𞤢𞥄𞤯𞤭⹁( 𞤣𞤢𞤪𞤲𞤵𞤺𞤮𞤤⹁ 𞤣𞤮𞤺𞤭𞤲𞤬𞤮𞤤⹁ 𞤼𞤢𞤬𞤵𞤺𞤮𞤤⹁𞤫𞤳𞤲𞤯...)
- 𞤚𞤢𞤥𞤦𞤭𞤼𞤮𞥅 𞤳𞤢𞤣𞤭 𞤷𞤮𞤧𞤢𞥄𞤲𞤫 𞤺𞤭𞤲𞤫 𞤯𞤫𞤲⹁ 𞤱𞤢𞤲𞤮 𞤼𞤢𞤥𞤦𞤭𞤼𞤢𞤺𞤮𞤤 𞤸𞤢𞥄𞤤𞤢𞥄𞤶𞤭 𞤤𞤫𞤴𞤣𞤭 𞤲𞤣𞤭𞤲 𞤲𞤮 𞤯𞤫 𞤶𞤢𞤲𞤺𞤭𞤪𞤫𞥅⹁ 𞤻𞤫𞥅𞤻𞤢𞤤⹁ 𞤻𞤢𞤥𞤢𞤳𞤢𞤤𞤢𞥄𞤳𞤵⹁ 𞤫𞤳𞤲𞤯...
𞥓-𞤁𞤢𞤪𞤲𞤮𞥅𞤣𞤭𞥅𞤶𞤭⹁𞤸𞤮𞥅𞤰𞤵𞤲𞤯𞤫⹁𞤳𞤢𞤪𞤤𞤢𞥄𞤳𞤵:
𞤍𞤵𞤲 𞤬𞤭𞤪𞤼𞤭: 𞤃𞤮𞤰𞥆𞤭𞤲𞤺𞤮𞤤 𞤤𞤢𞥄𞤱𞤭⹁ 𞤰𞤢𞤲𞤯𞤫⹁ 𞤯𞤢𞤼𞤫 𞤲𞤶𞤢𞤲𞤣𞤭⹁ 𞤱𞤫𞥅𞤴𞤮𞤪𞤯𞤫 𞤫𞤳𞤲𞤯....
𞤐𞤫𞤱𞤭𞤲𞤺𞤮𞤤 𞤶𞤭𞤲𞤣𞤵𞤪𞤵 𞤴𞤭𞤥𞤩𞤫 𞤩𞤫𞤲⹁𞤫 𞤳𞤫𞤴𞤫𞥅𞤶𞤭 𞤥𞤢𞤩𞥆𞤫 𞤯𞤭𞤲⹁ 𞤧𞤮𞥅𞤣𞤢 𞤶𞤭𞤪𞤺𞤭𞥅𞤶𞤫⹁ 𞤫 𞤱𞤫𞤪𞤴𞤢𞥄𞤶𞤫 𞤬𞤭𞥅 𞤲𞤫𞤱𞤭𞤲𞤺𞤮𞤤.
- 𞤇𞤢𞤲𞤼𞤵𞤺𞤮𞤤 𞤳𞤢𞤪𞤤𞤢𞥄𞤳𞤵 𞤲𞤺𞤵𞤲⹁𞤲𞤫𞤱𞤭𞤲𞤢 𞤸𞤢𞤳𞤼𞤭𞤧𞤵⹁ 𞤤𞤢𞤧𞤼𞤫⹁ 𞤤𞤭𞤥𞤭𞤴𞤢𞤲𞤳𞤮.
𞥔-𞤐𞤘𞤢𞤤𞤵𞤴𞤢𞤲𞤳𞤮⹁𞤐𞤺𞤢𞤤𞤵⹁𞤐𞤣𞤫𞥅𞤲𞤢𞥄𞤺𞤵:
𞤍𞤵𞤲 𞤬𞤭𞤪𞤼𞤭: 𞤫𞤩𞥆𞤢𞤲𞤺𞤮𞤤 𞤫 𞤴𞤵𞤩𞥆𞤵𞤺𞤮𞤤 𞤲𞤺𞤢𞤤𞤵 𞤤𞤫𞤧𞤣𞤭 𞤲𞤣𞤭𞤲⹁ 𞤲𞤮 𞤲𞤺𞤵 𞤲𞤢𞤬𞤭𞤼𞤮𞤪𞤼𞤫𞥅 𞤷𞤫𞤲𞤯𞤫 𞤯𞤫𞤲 𞤬𞤮𞤱⹁ 𞤸𞤢𞤪𞤢 𞤱𞤮𞤲𞤢𞥄 𞤲𞤮𞤳𞥆𞤵𞤲𞤺𞤮𞥅𞤼𞤵𞤲⹁ 𞤥𞤢𞤤𞥆𞤢 𞤧𞤫𞤲𞤺𞤮 𞤱𞤮𞥅𞤼𞤮 𞤼𞤵𞤲⹁ 𞤸𞤢𞤴 𞤧𞤭 𞤩𞤵𞤪𞤣𞤭𞤲𞤼𞤫 𞤸𞤢𞤪𞤢 𞤳𞤮 𞤳𞤢 𞤩𞤵𞤪𞤢𞥄 𞤸𞤢𞤼𞤮𞤲𞤶𞤭𞤲𞤫𞥅𞤣𞤫 𞤯𞤮𞤲.
-𞤅𞤭𞤲𞤷𞤵𞤺𞤮𞤤 𞤥𞤢𞤲𞤳𞤭𞤪𞤯𞤫⹁ 𞤫 𞤲𞤣𞤫𞥅𞤲𞤢𞥄𞤺𞤵 𞤸𞤢𞤪𞤢 𞤲𞤺𞤫𞤲𞤣𞤭𞤲𞤳𞤮𞥅𞤩𞤫 𞤩𞤫𞤲 𞤸𞤭𞤲𞤮 𞤱𞤢𞥄𞤱𞤭 𞤸𞤫𞤱𞤼𞤵𞤣𞤫𞤯𞤭 𞤲𞤢𞤬𞤭𞤼𞤮𞤪𞤢 𞤳𞤮 𞤢𞤤𞤣𞤢𞥄 𞤫 𞤷𞤢𞤯𞤫𞥅𞤤𞤫⹁ 𞤥𞤢𞤤𞥆𞤢 𞤱𞤭𞤳𞥆𞤫𞥅𞤣𞤫.
- 𞤆𞤮𞥅𞤯𞤵𞤺𞤮𞤤 𞤲𞤢𞥄𞤣𞤮𞥅𞤩𞤫 𞤶𞤢𞤱𞤤𞤫 𞤳𞤢 𞤤𞤫𞤧𞤣𞤭 𞤱𞤮𞤲𞤣𞤵𞤣𞤫 𞤫 𞤸𞤭𞤱𞤵𞤺𞤮𞤤 𞤳𞤫𞤴𞤫𞥅𞤶𞤭 𞤤𞤫𞤧𞤣𞤭 𞤲𞤣𞤭𞤲.
𞥕- 𞤕𞤫𞤤𞥆𞤢𞤤⹁𞤫 𞤸𞤫𞤩𞤼𞤢𞥄𞤪𞤫⹁ 𞤥𞤢𞤤𞥆𞤢 𞤼𞤮𞤨𞥆𞤭𞤼𞤢𞥄𞤪𞤫:
𞤍𞤵𞤲 𞤳𞤮 𞤣𞤢𞤪𞤲𞤵𞤺𞤮𞤤 𞤫 𞤱𞤢𞤯𞤼𞤭𞤼𞤢𞤺𞤮𞤤 𞤧𞤢𞤬𞤪𞤮𞤪𞤯𞤫 𞤫 𞤲𞤣𞤫𞤪 𞤤𞤫𞤧𞤣𞤭 𞤲𞤣𞤭𞤲 𞤬𞤮𞤱⹁𞤫𞤤𞤼𞤢 𞤻𞤢𞤱𞤲𞤣𞤮𞥅𞤩𞤫 𞤢𞤰𞥆𞤢𞤲𞤩𞤫 𞤻𞤢𞤱𞤲𞤣𞤭𞥅𞤺𞤵.
𞤐𞤫𞤱𞤭𞤲𞤺𞤮𞤤 𞤸𞤫𞤱𞤼𞤵𞤺𞤮𞤤 𞤳𞤢 𞤧𞤢𞤬𞤪𞤮𞤪𞤯𞤫 𞤱𞤮𞤲𞤢𞤲𞤣𞤫 𞤲𞤺𞤫𞤲𞤣𞤭𞤲𞤳𞤮𞥅𞤩𞤫 𞤩𞤫𞤲 𞤬𞤮𞤱⹁ 𞤫 𞤲𞤮𞤳𞥆𞤫𞥅𞤤𞤭 𞤯𞤭𞤲 𞤬𞤮𞤱.
- 𞤂𞤮𞤤𞥆𞤭𞤲𞤺𞤮𞤤 𞤸𞤭𞤱𞤭𞤼𞤢𞥄𞤪𞤫⹁ 𞤫 𞤼𞤮𞤨𞥆𞤭𞤼𞤢𞤺𞤮𞤤 𞤸𞤮𞥅𞤪𞤫 𞤥𞤵𞤲⹁(𞤻𞤢𞥄𞤥𞤢 𞤳𞤮 𞤤𞤢𞥄𞤩𞤭⹁ 𞤻𞤢𞤱𞤣𞤮𞥅 𞤧𞤭 𞤻𞤢𞤱𞤭𞥅⹁ 𞤪𞤫𞥅𞤲𞤼𞤮𞥅⹁ 𞤉𞤑𞤐𞤍....).
𞤉𞤲 𞤩𞤵𞤪𞤼𞤢𞤴 𞤤𞤢𞤩𞥆𞤭𞤲𞤣𞤫 𞤬𞤭𞥅 𞤥𞤵𞤲 𞤫 𞤱𞤭𞤲𞤣𞤢𞤲𞤣𞤫 𞤢𞤪𞤢𞤴𞤲𞤣𞤫.
𞤖𞤮𞥅𞤰𞤵𞤲𞤯𞤫= transport
𞤑𞤢𞤪𞤤𞤢𞥄𞤳𞤵=technologie
𞤚𞤢𞤬𞤳𞤢𞤪𞤤𞤭=industries
𞤔𞤉𞤐𞥆𞤉 𞤁𞤌𞤘𞤓𞤅𞤀𞤂𞤋.
