𞤐𞤣𞤫 𞤱𞤮𞤲𞤣𞤫 𞤤𞤢𞤲𞤣𞤫 𞤶𞤭𞤩𞤢𞤴𞤯𞤫 𞤤𞤢𞤥⹁ 𞤸𞤭𞤲𞤮 𞤸𞤫𞤩𞤢𞤥𞥆𞤭⹁ 𞤸𞤢𞥄 𞤥𞤭 𞤫𞤩𞥆𞤢 𞤱𞤫𞤥𞤦𞤢𞤺𞤮𞤤⹁ 𞤧𞤢𞤦𞤵 𞤥𞤭 𞤪𞤮𞤲𞤳𞤵 𞤱𞤢𞥄𞤱𞤵𞤣𞤫 𞤶𞤭𞥅𞤩𞤼𞤵𞤣𞤫 𞤯𞤫.
𞤐𞤦𞤫𞤤𞤫 𞤬𞤭𞥅 𞤴𞤮 𞤺𞤮𞤯𞥆𞤮 𞤱𞤮𞤲𞤵 𞤨𞤵𞤤𞥆𞤮 𞤳𞤮 𞤦𞤫𞥅 𞤼𞤵𞤲 𞤦𞤢𞥄𞤦𞤢 𞤥𞤢𞤳𞥆𞤮 𞤱𞤮𞤲𞤢 𞤨𞤵𞤤𞥆𞤮؟ 𞤲𞤦𞤫𞤤𞤫 𞤺𞤮𞤯𞥆𞤮 𞤱𞤮𞤲𞤭𞤪𞤼𞤢𞥄 𞤨𞤵𞤤𞥆𞤮 𞤧𞤢𞤦𞤵 𞤲𞤫𞥅𞤲𞤫 𞤥𞤢𞤳𞥆𞤮 𞤳𞤮 𞤨𞤵𞤤𞥆𞤮؟
𞤫𞤲𞤫𞥅 𞤨𞤵𞤤𞥆𞤮𞤴𞤢𞥄𞤺𞤢𞤤 𞤳𞤮 𞤳𞤢 𞤰𞤭𞥅𞤰𞤢𞤲⹁ 𞤳𞤢𞥄 𞤳𞤮 𞤳𞤢 𞤯𞤫𞤲𞤺𞤢𞤤؟
𞤳𞤢𞥄 𞤨𞤵𞤤𞥆𞤮𞤴𞤢𞥄𞤺𞤢𞤤 𞤳𞤮 𞤳𞤢 𞤴𞤫𞤼𞥆𞤮𞥅𞤪𞤫؟
𞤃𞤭𞤲 𞤳𞤮 𞤥𞤭 𞤶𞤢𞤩𞤭 𞤨𞤵𞤤𞥆𞤮𞤴𞤢𞥄𞤺𞤢𞤤 𞤳𞤮 𞤳𞤢 𞤯𞤫𞤲𞤺𞤢𞤤⹁ 𞤥𞤭𞤯𞤮 𞤶𞤢𞤩𞤭 𞤴𞤮 𞤺𞤮𞤯𞥆𞤮 𞤧𞤵𞤩𞤮 𞤱𞤮𞤲𞤼𞤢 𞤨𞤵𞤤𞥆𞤮.
𞤥𞤭𞤯𞤮 𞤼𞤢𞤧𞤳𞤭𞥅 𞤴𞤫𞤪𞤵 𞤳𞤮 𞤥𞤭 𞤢𞤲𞤣𞤭 𞤳𞤮𞤲⹁ 𞤴𞤭𞤥𞤩𞤫 𞤸𞤭𞤲𞤮 𞤦𞤵𞤺𞤭𞤼𞤢𞤲𞤫𞥅 𞤱𞤮𞤲𞤵𞤺𞤮𞤤 𞤨𞤵𞤤𞥆𞤮⹁ 𞤧𞤢𞤦𞤵 𞤴𞤫𞤼𞥆𞤮𞥅𞤪𞤫 𞤥𞤢𞤩𞥆𞤫⹁(𞤭𞤱𞤣𞤭 𞤺𞤮𞤪𞤮𞤤 𞤥𞤢𞤩𞥆𞤫)𞤳𞤮𞤲𞤮 𞤸𞤢𞤪𞤢 𞤨𞤵𞤤𞥆𞤮𞤴𞤢𞥄𞤺𞤢𞤤 𞤲𞤺𞤢𞤤 𞤸𞤭𞤲𞤮 𞤼𞤭𞤥𞥆𞤭𞤪𞤭𞤥𞤮 𞤼𞤭𞤧⹁ 𞤳𞤢 𞤯𞤫𞤲𞤺𞤢𞤤 𞤳𞤢 𞤶𞤭𞤳𞥆𞤵⹁ 𞤫 𞤳𞤢 𞤷𞤮𞤧𞤢𞥄𞤲𞤫.
𞤸𞤭𞤲𞤮 𞤴𞤭𞤴𞤫𞥅 𞤫 𞤲𞤮𞤳𞥆𞤫𞥅𞤤𞤭 𞤺𞤮𞥅⹁ 𞤲𞤣𞤫 𞤼𞤢𞤱𞤲𞤮𞥅 𞤬𞤵𞤤𞤩𞤫 𞤳𞤮 𞤤𞤫𞤻𞤮𞤤 𞤯𞤵𞥅𞤯𞤵𞤺𞤮𞤤⹁ 𞤱𞤢𞥄𞤱𞤫𞤼𞤢𞥄𞤳𞤫 𞤱𞤭𞤴𞤫𞥅𞤣𞤫 𞤪𞤫𞤱𞤩𞤫 𞤥𞤢𞤩𞥆𞤫 𞤩𞤫𞤲 𞤳𞤮 𞤬𞤵𞤤𞤩𞤫 𞤩𞤫𞤲 𞤼𞤵𞤲 𞤶𞤮𞤥𞤦𞤢𞤼𞤢 𞤩𞤫⹁ 𞤸𞤭𞤩𞤫 𞤸𞤮𞤯𞤭𞤣𞤭 𞤫 𞤤𞤫𞤰𞥆𞤭 𞤯𞤵𞥅𞤯𞤵𞤯𞤭⹁ 𞤸𞤢𞤴 𞤧𞤭 𞤼𞤢𞤱𞤭𞥅 𞤦𞤵𞤴 𞤸𞤭𞤲𞤮 𞤰𞤫𞤼𞥆𞤭𞤪𞤭 𞤱𞤮𞤲𞤣𞤫 𞤣𞤫𞤦𞥆𞤮 𞤨𞤵𞤤𞥆𞤮 𞤴𞤮 𞤶𞤮𞤥𞤦𞤭𞤲𞤣𞤭𞤪 𞤫 𞤺𞤮𞤪𞤳𞤮 𞤶𞤢𞤲𞤢𞤲𞤮 𞤸𞤭𞤲𞤮 𞤶𞤫𞤴𞤢𞥄 𞤫 𞤳𞤮 𞤱𞤢𞤯𞤭 𞤬𞤵𞤤𞤩𞤫 𞤩𞤫𞤲 𞤴𞤢𞤱𞤢𞥄⹁ 𞤯𞤵𞤲𞤱𞤮𞤲𞤢𞥄 𞤺𞤮𞥅𞤲𞤺𞤢.
𞤣𞤫𞤦𞥆𞤮 𞤨𞤵𞤤𞥆𞤮 𞤶𞤮𞤥𞤦𞤫𞥅 𞤫 𞤤𞤫𞤻𞤮𞤤 𞤲𞤺𞤮𞤤 𞤱𞤮𞤲𞤢𞥄 𞤬𞤵𞤤𞤩𞤫⹁ 𞤮 𞤸𞤫𞤩𞤢 𞤩𞤭𞤩𞥆𞤫⹁ 𞤷𞤫𞥅𞤪𞤼𞤭𞤺𞤢𞤤 𞤱𞤢𞤯𞤢⹁ 𞤣𞤫𞤦𞥆𞤮 𞤨𞤵𞤤𞥆𞤮 𞤮𞤲 𞤸𞤫𞤣𞥆𞤮𞤪𞤢 𞤩𞤭𞤩𞥆𞤫 𞤩𞤫𞤲⹁ 𞤩𞤫 𞤪𞤮𞤲𞤳𞤢 𞤶𞤮𞤳𞥆𞤵𞤣𞤫 𞤦𞤢𞥄𞤦𞤢 𞤥𞤢𞤩𞥆𞤫.
𞤮𞤲 𞤣𞤫𞤦𞥆𞤮 𞤨𞤵𞤤𞥆𞤮 𞤢𞤪𞤼𞤢 𞤶𞤮𞤥𞤦𞤭𞤼𞤫𞥅 𞤳𞤢 𞤬𞤵𞤤𞤩𞤫 𞤩𞤫𞤲 𞤮 𞤲𞤫𞤸𞤮𞤪𞤢 𞤯𞤮𞤲 𞤩𞤭𞤩𞥆𞤫 𞤩𞤫 𞤮 𞤸𞤫𞤩𞤭𞤣𞤭 𞤩𞤫𞤲 𞤺𞤮𞤪𞤳𞤮 𞤥𞤮 𞤱𞤮𞤲𞤢𞥄 𞤨𞤵𞤤𞥆𞤮 𞤮𞤲⹁ 𞤩𞤫 𞤲𞤫𞤸𞤫𞥅⹁ 𞤲𞤫𞤸𞤣𞤭 𞤬𞤵𞤤𞤩𞤫⹁ 𞤼𞤢𞤱𞤢 𞤳𞤮 𞤨𞤵𞤤𞤢𞥄𞤪 𞤼𞤵𞤲 𞤩𞤫 𞤸𞤢𞥄𞤤𞤢𞤼𞤢.
𞤩𞤫𞤲 𞤶𞤮𞤥𞤦𞤢 𞤳𞤢 𞤬𞤵𞤤𞤩𞤫 𞤩𞤫𞤲 𞤸𞤫𞤩𞤢 𞤯𞤮𞤲 𞤳𞤢𞤣𞤭 𞤩𞤭𞤩𞥆𞤫⹁ 𞤶𞤮𞤳𞥆𞤮𞤲𞤣𞤭𞤪𞤢 𞤲𞤮𞤲 𞤸𞤢𞥄 𞤳𞤮 𞤸𞤢𞥄𞤯𞤢𞥄 𞤸𞤢𞥄𞤯𞤭.
𞤼𞤢𞤱 𞤧𞤭 𞤩𞤫𞤲𞤯𞤮𞤲 𞤭𞤲𞥆𞤫𞤼𞤢𞥄𞤳𞤫 𞤱𞤮𞤲𞤢𞥄 𞤩𞤫 𞤬𞤵𞤤𞤩𞤫 𞤩𞤢𞤴 𞤭𞤱𞤣𞤭 𞤦𞤢𞥄𞤦𞤢⹁ 𞤥𞤢𞤩𞥆𞤫⹁ 𞤥𞤢𞤤𞥆𞤢 𞤥𞤢𞥄𞤥𞤢 𞤧𞤮𞤪𞤮 𞤥𞤢𞤩𞥆𞤫 𞤱𞤮𞤲𞤢𞥄 𞤨𞤵𞤤𞥆𞤮 𞤲𞤵𞤲؟
𞤩𞤢𞤴 𞤱𞤮𞤲𞤢𞥄 𞤴𞤫𞤼𞥆𞤮𞥅𞤪𞤫 𞤲𞤣𞤫 𞤬𞤵𞤤𞤩𞤫 𞤢𞤲𞤣𞤭𞤪𞤢𞥄 𞤩𞤫 𞤴𞤫𞤼𞥆𞤢𞥄
𞤅𞤭 𞤣𞤫𞤦𞥆𞤮 𞤨𞤵𞤤𞥆𞤮 𞤶𞤭𞤦𞤭𞤲𞤭𞥅 𞤩𞤭𞤩𞥆𞤫 𞤩𞤫 𞤦𞤢𞥄𞤦𞤢𞥄𞤥𞤵𞤲 𞤱𞤮𞤲𞤢𞥄 𞤬𞤵𞤤𞤩𞤫 𞤧𞤭 𞤳𞤮 𞤣𞤫𞤦𞥆𞤮 𞤮𞤲 𞤲𞤫𞤸𞤭𞥅𞤩𞤫 𞤱𞤮𞤼𞤢 𞤱𞤭𞤴𞤫 𞤱𞤮𞤲𞤢𞥄 𞤩𞤫 𞤬𞤵𞤤𞤩𞤫.
𞤧𞤢𞤦𞤵 𞤸𞤭𞤲𞤮 𞤶𞤫𞤴𞤢𞥄 𞤫 𞤢𞥄𞤣𞤢𞥄𞤶𞤭 𞤥𞤫𞤲 𞤯𞤭𞤲 𞤲𞤮𞤣𞥆𞤭𞤪𞤫𞤺𞤮𞤤 𞤨𞤵𞤤𞥆𞤮⹁ 𞤳𞤮 𞤥𞤢𞥄𞤲𞤣𞤫 𞤲𞤣𞤭𞤥𞤵⹁ 𞤱𞤭𞤴𞤫𞤺𞤮𞤤 𞤱𞤮𞤲𞤢𞥄 𞤨𞤵𞤤𞥆𞤮 𞤳𞤮 𞤴𞤫𞤲𞥆𞤮𞥅𞤪𞤫 𞤥𞤢𞤱𞤲𞤣𞤫.
𞤆𞤵𞤤𞥆𞤮𞤴𞤢𞥄𞤺𞤢𞤤 𞤱𞤮𞤲𞤢𞥄 𞤳𞤢 𞤰𞤭𞥅𞤰𞤢𞤲 𞤼𞤵𞤲⹁ 𞤳𞤮 𞤳𞤢 𞤯𞤫𞤲𞤺𞤢𞤤⹁ 𞤫 𞤳𞤢 𞤶𞤭𞤳𞥆𞤵 𞤫𞤳𞤲𞤯....
𞤀𞤂𞤂𞤀𞥄𞤖𞤓 𞤮𞤲 𞤼𞤢𞤺𞤭𞥅 𞤴𞤭𞤥𞤩𞤫 𞤩𞤫𞤲 𞤱𞤢𞤯𞤭𞤩𞤫 𞤺𞤮𞥅𞤪𞤭 𞤫 𞤤𞤫𞤰𞥆𞤭 𞤯𞤵𞤲 𞤯𞤮𞤲 𞤱𞤢𞥄𞤱𞤫𞤼𞤢𞥄𞤳𞤫 𞤥𞤮𞤥𞤼𞤫𞥅𞤣𞤫⹁ 𞤳𞤮𞤲𞤮 𞤲𞤮𞤲 𞤯𞤭𞤲 𞤺𞤮𞤪𞤭 𞤫 𞤤𞤫𞤰𞥆𞤭 𞤳𞤮 𞤼𞤢𞥄𞤪𞤭𞥅𞤳𞤢 𞤶𞤢𞤲𞤺𞤭𞤲𞤭 𞤳𞤮𞤲⹁ 𞤳𞤮 𞤄𞤀𞥄𞤄𞤀 𞤀𞥄𞤁𞤀𞤃𞤀⹁ 𞤱𞤮𞤲𞤭 𞤳𞤢𞤤𞤢 𞤦𞤢𞥄𞤦𞤢 𞤲𞤫𞤯𞥆𞤢𞤲𞤳𞤫 𞤱𞤮𞤲𞤵𞤯𞤮 𞤳𞤢 𞤤𞤫𞤧𞤣𞤭 𞤯𞤮𞥅⹁ 𞤧𞤭 𞤱𞤮𞤲𞤭𞤪𞤭𞥅 𞤲𞤮𞤲 𞤢𞤱𞤢 𞤤𞤫𞤰𞥆𞤭 𞤯𞤭𞤲 𞤬𞤮𞤱 𞤳𞤮 𞤫 𞤦𞤢𞥄𞤦𞤢 𞤺𞤮𞥅𞤼𞤮 𞤭𞤱𞤭 𞤱𞤮𞤲𞤭 𞤩𞤢𞤤𞤫𞥅𞤶𞤮 𞤥𞤢𞤤𞥆𞤢 𞤣𞤢𞤲𞤫𞥅𞤶𞤮.
𞤀𞤱𞤢 𞤱𞤮𞤲𞤭𞥅𞤲𞤮 𞤻𞤢𞤤𞤲𞤣𞤫 𞤺𞤮𞥅 𞤢𞤲 𞤮𞥅 𞤱𞤮𞤲𞤵𞤯𞤮 𞤱𞤭𞤴𞤵𞤣𞤫 𞤳𞤮 𞤰𞤭𞥅𞤰𞤢𞤲 𞤨𞤵𞤤𞥆𞤮 𞤱𞤮𞤲𞤭 𞤣𞤮𞤺𞤵𞤣𞤫 𞤫 𞤥𞤢𞥄⹁ 𞤧𞤭 𞤢 𞤶𞤮𞤳𞥆𞤭𞥅 𞤶𞤵𞤪𞤮𞤤 𞤲𞤮 𞤱𞤮𞤲𞤼𞤭𞤪𞤯𞤢𞥄 𞤲𞤮𞤲 𞤨𞤵𞤤𞥆𞤮 𞤢 𞤼𞤢𞤱𞤮𞤴𞤢𞤴 𞤥𞤢𞥄𞤥𞤢𞥄𞤶𞤮 𞤥𞤢𞥄 𞤺𞤮𞥅⹁ 𞤱𞤮𞤲𞤢𞥄 𞤨𞤵𞤤𞥆𞤮 𞤲𞤵𞤲 𞤱𞤮𞤲𞤵𞤲𞤮𞥅 𞤧𞤢𞤦𞤵 𞤳𞤮 𞤢 𞤩𞤭𞤯𞥆𞤮 𞤦𞤢𞥄𞤦𞤢 𞤢𞥄𞤣𞤢𞤥𞤢.
𞤑𞤢𞤤𞤢 𞤱𞤮𞤱𞤤𞤵𞤯𞤮 𞤨𞤵𞤤𞤢𞥄𞤪 𞤤𞤢𞤩𞥆𞤭𞤲𞤭⹁ 𞤶𞤮𞤺𞤭𞤼𞤭𞥅 𞤲𞤢𞥄𞤥𞤵𞥅𞤶𞤭 𞤬𞤵𞤤𞤩𞤫 𞤱𞤫𞤤𞤼𞤮𞤪𞤭𞥅 𞤳𞤮 𞤮 𞤨𞤵𞤤𞥆𞤮.
𞤸𞤢𞤪𞤢𞤴 𞤳𞤮 𞤮 𞤨𞤵𞤤𞥆𞤮.
𞤨𞤵𞤤𞥆𞤮𞤴𞤢𞥄𞤺𞤢𞤤 𞤱𞤮𞤲𞤢𞥄 𞤫 𞤴𞤫𞤼𞥆𞤮𞥅𞤪𞤫 𞤸𞤢𞥄𞤯𞤭⹁ 𞤥𞤢𞤤𞥆𞤢 𞤸𞤮𞤯𞤵𞤺𞤮𞤤 𞤫 𞤲𞤮𞤳𞥆𞤵𞥅𞤪𞤫⹁ 𞤥𞤢𞤤𞥆𞤢 𞤫 𞤩𞤢𞤱𞤤𞤵𞤣𞤫 𞤥𞤢𞤤𞥆𞤢 𞤫 𞤪𞤢𞤱𞤲𞤵𞤣𞤫.
✍️𞤔𞤉𞤐𞥆𞤉 𞤁𞤌𞤘𞤓𞤅𞤀𞤂𞤋
